Fleiri fréttir

Foreldrar Madeleine að skilja -portúgalskir fjölmiðlar

Foreldrar Madeleine McCann eru að því komin að skilja, að sögn fjölmiðla í Portúgal. Hjónin hafa haldið til í Portúgal síðan dóttir þeirra hvarf fyrir tæpum fjórum mánuðum. Þau segjast enn sannfærð um að litla telpan finnist á lífi. Portúgalskir fjölmiðlar virðast orðnir þreyttir á þeim og hafa birt um þau margar særandi fréttir. Gerry og Kate McCann eiga nú í málaferlum við blað sem hélt því blákalt fram að þau hefðu sjálf valdið dauða dóttur sinnar.

Ber ekki að sundurliða símreikninga að eigin frumkvæði

Símanum ber ekki að sundurliða reikninga áskrifenda sinna í talsímaþjónustu að eigin frumkvæði samkvæmt niðurstöðu Póst- og fjarskiptastofnunar. Hins vegar ber fyrirtækinu að sundurliða reikninga ef viðskipavinur biður um það og þarf viðskiptavinurinn ekki að greiða fyrir það.

Pirrar mig þegar ungt fólk svarar mér á ensku

Það pirrar mig þegar ungt fólk í afgreiðslustörfum svarar mér á ensku, segir hollensk kona sem hefur lært íslensku þau þrjú ár sem hún hefur búið á landinu. Að hennar mati er lykillinn að því að nýbúar læri íslensku að byrjað sé snemma á því að tala eingöngu íslensku við þá.

Verð á grásleppuhrognum rýkur upp

Verð á grásleppuhrognum hefur rokið upp að undanförnu vegna lélegrar vertíðar við Grænland og Nýfundnaland. Þá var lítið veitt hér við land vegna áhugaleysis út af verðlagningunni.

Action man í hremmingum á Austurlandi

Hreindýraveiðimenn úr Veiðifélaginu Sósunni rákust á Roger Johnson eða Action man í suddaveðri á leið frá Egilsstöðum til Hafnar í Hornafirði. Hann hugðist ná þar rútu til Reykjavíkur. "Roger var kaldur og blautur og alveg búinn að vera. Beiðni hans um aðstoð var vel tekið. Hjóli hans var hent upp á kerru og honum ekið til Reykjavíkur," segir Jónas Sturla Sverrisson, einn liðsmanna í Sósunni.

Sölumenn SS mættu ferskir til vinnu í morgun

Útisölumenn hjá Sláturfélagi Suðurlands, sem flestir tilkynntu sig veika í gær, mættu hressir til vinnu í morgun. Eins og greint var frá í gær herma heimildir Vísis að um verkfall hafi verið að ræða. Forstjóri SS segir engin eftirmál verða að atvikinu, málin hafi verið rædd í morgun.

Danska fótboltabullan mokar inn seðlunum

Danska fótboltabullan sem reyndi að kýla dómarann í leik Dana og Svía í Parken í júní hefur selt danskri sjónvarpsstöð einkarétt á sögu sinni og græðir nú á tá og fingri. Hann bætir svo gráu ofan á svart með því að heimta eina milljón króna af öðrum fjölmiðlum fyrir að veita viðtöl -eftir að búið er að sýna þáttinn á dönsku stöðinni. Í danska og sænska knattspyrnusambandinu eru menn æfir af reiði.

Höfðu mikið magn efna til sprengjugerðar undir höndum

Ríkissaksóknari Þýskalands, Monika Harms, sagði í morgun að mennirnir þrír sem voru handteknir í gær grunaðir um að skipuleggja hryðjuverk hefðu hlotið þjálfun í Pakistan. Harms sagði á blaðamannafundi um málið að mennirnir hefðu haft undir höndum 680 kíló af vetnisperoxíði til sprengjugerðar.

Frestar því að gefa út tilmæli vegna FIT-kostnaðar

Gísli Tryggvason, talsmaður neytenda, hefur í bili hætt við að gefa út formleg tilmæli til banka og sparisjóða vegna svokallaðs FIT-kostnaðar og hyggst bíða niðurstöðu starfshóps sem viðskiptaráðherra skipaði til þess að fara yfir gjaldtöku bankanna.

Varnarmálaráðherra Svíþjóðar fór í fússi

Varnarmálaráðherra Svíþjóðar hefur sagt af sér vegna deilna við fjármálaráðherrann um framlög til landvarna. Ráðherrarnir eru flokksbræður í hægriflokknum Moderatarna. Svíþjóð heldur úti vel þjálfuðum her búnum hátæknivopnum. Framlög til varnarmála hafa hinsvegar verið skorin verulega niður undanfarin ár.

Ökumaður slapp ómeiddur þegar vörubíll valt

Vörubíll valt á hliðina rétt austan við Hala í Suðursveit á miðnætti. Samkvæmt upplýsingum frá Lögreglunni á Höfn í Hornafirði fór bíllinn út af veginum í vindhviðu og fór síðan á hliðina eftir að hann stöðvaði. Ökumann sakaði ekki en hann var einn í bifreiðinni.

Myrti mann og skrifaði reifara

Pólskur reifarahöfundur hefur verið dæmdur í 25 ára fangelsi fyrir að fremja morð - á nákvæmlega eins hátt og hann hafði lýst í einni bóka sinna. Í ,,Amok", bók sinni frá árinu 2003, lýsir rithöfundurinn Krystian Bala því í smáatriðum hvernig pólskur kaupsýslumaður er myrtur á hrottalegan hátt.

Sprengdi hjákonuna í loft upp

Háttsettur kínverskur embættismaður var tekinn af lífi í dag fyrir að myrða hjákonu sína með bílsprengju. Aðeins liði tveir mánuðir á milli morðsins og aftökunnar. Vitorðsmaður hans var einnig tekinn af lífi og annar dæmdur í lífstíðar fangelsi. Málið hefur vakið mikla hneykslan í Kína þar sem spilling embættismanna hefur mjög verið til umræðu undanfarin misseri.

Meintar galdranornir brenndar lifandi

Nemendur við menntaskóla í Suður-Afríku brenndu lifandi tvær fullorðnar konur sem þeir grunuðu um að hafa lagt bölvun á skóla þeirra. Nemendurnir ruddust inn á heimili kvennanna í Natal héraði að drógu þær út á nærliggjandi íþróttaleikvang. Þar helltu þeir yfir þær bensíni og kveiktu í þeim.

Árásirnar mögulega áætlaðar 11. september

Varnarmálaráðherra Þýskalands sagði í morgun að yfirvöld hefðu traustar heimildir fyrir því þrír grunaðir hryðjuverkamenn sem voru handteknir í gær hefðu ætlað að láta til skarar skríða fljótlega. Mennirnir eru grunaðir um að hafa ætlað að skipuleggja hryðjuverkaárásir á flugvöllinn í Frankfurt og á herstöð bandaríkjahers í Ramstein.

Farþegum um Leifsstöð fjölgar um nærri tíu prósent milli ára

Um 671 þúsund farþegar komu til landsins um Keflavíkurflugvöll á fystu átta mánuðum ársins samanborðið 613 þúsund farþega á sama tíma í fyrra. Nemur aukningin níu og hálfu prósenti á milli ára eftir því sem segir í Hagvísum Hagstofunnar.

Héraðsdómur fellst á heilaskaðavörn í nauðgunarmáli

Héraðsdómur Reykjavíkur samþykkti í morgun að kvaddir verði til matsmenn til að meta sakhæfi Jóns Péturssonar, margdæmds nauðgara. Jón var í apríl síðastliðnum dæmdur í fimm ára fangelsi í Hæstarétti fyrir hrottfengin brot gegn tveimur konum og í júní fékk hann annan fimm ára dóm fyrir að hafa nauðgað og misþyrmt á annan hátt fyrrverandi sambýliskonu sinni.

Gistinóttum fjölgaði um sex prósent í júlí

Gistinóttum á hótelum í júlí síðastliðnum fjölgaði um sex prósent frá sama mánuði í fyrra samkvæmt tölum Hagstofunnar. Þær voru um 189 þúsund í júlí í ár en um 1778 þúsund í sama mánuði árið 2006. Fjölgunin var hlutfallslega mest á Norðurlandi þar sem gistinóttum fjölgaði um tæp 12 prósent, úr 19.400 í 21.700 milli ára.

Hvetja almenning til að forðast sleggjudóma

Forsvarsmenn múslima í Danmörku hvetja almenning til að aðstoða lögreglu eins og það getur við rannsókn hryðjuverkamálsins. Eins hvetja þeir til stillingar, og biðja fólk um að dæma ekki alla múslima út frá nokkrum skemmdum eplum. Þá velta erlendir fjölmiðlar nú vöngum um ástæður þess að hryðjuverkamenn hafi hreiðrað um sig í Danmörku. New York times segir að Danmörk hafi allt frá birtingu Múhameðsmyndanna árið 2005 verið hötuð af múslimaheiminum. Breska ríkisútvarpið BBC vill hinsvegar meina að þáttöku Dana í Íraksstríðinu sé um að kenna.

Enn ein innköllunin hjá Mattel

Leikfangaframleiðandinn Mattell tilkynnti í gær að hann myndi afturkalla fleiri en 800 þúsund leikföng vegna þess að málning á þeim inniheldur of mikið blý. Þetta er í þriðja sinn á skömmum tíma sem Mattell innkallar leikföng sem fyrirtækið lætur framleiða í Kína. Þrjár tegundir Fischer Price leikfanga eru innkallaðar núna, ásamt aukahlutum fyrir Barbie dúkkur. Dúkkurnar sjálfar verða ekki innkallaðar.

Fossetts enn leitað

Enn hefur ekkert spurst til ævintýramannsins og auðkýfingsins Stevens Fossetts. Fossett týndist eftir að hann tók á loft á eins hreyfils flugvél sinni í blíðskaparveðri frá flugvelli í eyðimörkinni í Nevada á mánudaginn. Hann ætlaði í stuttan flugtúr að leita að svæðum sem hentuðu til þess að setja hraðamet á landi. Fossett á fyrir ýmis met, meðal annars var hann fyrsti maðurinn til að fljúga í einum rykk kringum hnöttinn. 13 flugvélar leita Fossetts nú í eyðimörkinni. en honum hafði láðs að tilkynna um flugáætlun sína.

Gaus í Etnu í gær

Gos hófst í eldfjallinu Etnu á Sikiley í gærkvöldi. Hraun streymdi niður í óbyggðan dal, en íbúum neðar í hlíðum fjallsins stafaði engin hætta af gosinu. Aska barst yfir nærliggjandi þorp, og flugvellinum í Kataníu í nágrenni fjallsins var lokað af öryggiástæðum en að öðru leyti var ekki gripið til sérstakra ráðstafana vegna eldgossins. Eldgos af þessari stærðargráðu eru algeng í Etnu og valda þau sjaldan miklu tjóni.

Vilja selja hlut sinn í Hitaveitu Suðurnesja til Orkuveitunnar

Bæjarfulltrúar Sjálfstæðisflokksins í Hafnarfirði lögðu til á bæjarstjórnarfundi í gær að hlutur bæjarins í Hitaveitu Suðurnesja verði seldur Orkuveitu Reykjavíkur. Eignarhlutur Hafnarfjarðar í hitaveitunni er tæpir átta milljarðar króna og vilja bæjarfulltrúarnir að andvirði sölunnar verði varið til greiðslu á skuldum bæjarins og skapa svigrúm til að lækka útsvar og fasteignaskatta í Hafnarfirði. Tillagan hlaut ekki afgreiðslu á fundinum í gær.-

Tvær konur slösuðust í bílslysi

Tvær konur slösuðust, þegar tveir bílar rákust á á Reykjanesbraut ofan við Njarðvík um kvöldmatarleitið í gærkvöldi. Barn sem var í barnastól í öðrum bílnum, slapp ómeitt. Konurnar voru fluttar á sjúkrahús, en reyndust ekki alvarlega slasaðar.-

Eldur kviknaði í sumarbústað

Eldur kviknaði í sumarbústað í Vaðlaheiði , gengt Akureyri, í gærkvöldi. Mikill eldur var í bústaðnum þegar slökkvilið kom á vettvang. Þótt greiðlega gengi að slá á mesta eldinn, tók um þrjár klukkustundir að ráða endanlega niurlögum hans þar sem glæður voru á milli þilja og þurfti að rífa mikið til að komast að þeim. Bústaðurinn, sem er nýlegur, er stór skemmdur ef ekki ónýtur. Við fyrstu sýn virðist hann hafa kviknað út frá eldavél, en fólk var í bústaðnum í gærdag.-

Endurmeta löggæsluþörf í miðborginni

Samþykkt var á borgarstjórnarfundi í gærkvöldi tillaga Samfylkingarinnar um endurmat á löggæsluþörf í miðborginni. Samkvæmt tillögunni verður leitast við að meta löggæslu, sem snýr að almenningi, með áherslu á sýnilega löggæslu.

Drengirnir tveir fundnir

Tveir fimmtán ára piltar, sem struku af meðferðarheimilinu Bergi í Aðaldal á sunnudag, fundust á gangi í Breiðholti í gærkvöldi. Þeir voru þreyttir og slæptir og vour þeir vistaðir að Stuðlum í nótt. Þeir stálu bíl í grennd við meðferðarheimilið og óku honum til Akureyrar, en ekki liggur fyrir hvernig þeir komust áfram til Reykjavíkur.-

Fjórir láta lífið af völdum fellibylsins Felix

Að minnsta kosti fjórir létu lífið þegar fellibylurinn Felix skall á austurströnd Níkaragva í Mið-Ameríku í kvöld. Bylurinn olli miklu tjóni þegar hann gekk yfir borgina Puerto Cabezas í norðurhluta Níkaragva. Rafmagns- og símalínur eyðilögðust og þúsundir þurftu að flýja heimili sín.

Vilja blanda saman fósturvísum úr manna- og dýrafrumum

Bresk yfirvöld ákveða á morgun hvort þau muni heimila hópi vísindamanna að gera rannsóknir á fósturvísum gerðum úr manna- og dýrafrumum. Vísindamennirnir vilja fá leyfi til að blanda saman frumunum til að rækta stofnfrumur. Markmið tilraunarinnar er að finna nýjar leiðir í læknavísindum.

Etna byrjuð að gjósa

Eldgos hófst í eldfjallinu Etnu á Sikiley í kvöld en ekki er talið að íbúum í nágrenni fjallsins stafi hætta af gosinu. Logandi hraun streymdi niður hlíðar fjallsins og aska barst yfir nærliggjandi þorp. Um lítið gos er að ræða.

Keyrt á rollu á Laugarvatnsvegi

Keyrt var á rollu á Laugarvatnsvegi um klukkan hálf tíu í kvöld. Ökumann sakaði ekki en rollan drapst við ákeyrsluna. Að sögn lögreglu eru slys af þessu tagi nokkuð algeng á þessum árstíma.

Eldur í sumarbústað í Vaðlaheiði

Slökkvilið Akureyrar var kallað út laust eftir klukkan sjö í kvöld eftir að eldur kviknaði í sumarbústað við Geldingsá í Vaðlaheiði. Bústaðurinn stóð í björtu báli þegar slökkvilið bar að garði. Engan sakaði í eldsvoðanum.

Árekstur á Reykjanesbraut

Tveir bílar rákust saman á Reykjanesbraut fyrir ofan Njarðvík rétt fyrir klukkan sjö í kvöld. Báðir ökumenn voru fluttir á sjúkrahús en þeir ekki alvarlega slasaðir.

Bílvelta á Biskupshálsi

Bílvelta varð á hringveginum á Biskupshálsi um klukkan hálf þrjú í dag. Engan sakaði í veltunni.

Búið að finna strokupilta

Piltarnir tveir sem struku frá meðferðarheimilinu Bergi í Aðaldal á sunnudaginn fundust í íbúð í efra Breiðholti rétt fyrir klukkan átta í kvöld. Það var íbúi sem gerði lögreglunni viðvart eftir að hann bar kennsl á drengina. Bifreiðin sem þeir stálu fannst skömmu síðar á Akureyri.

Vilja ganga sem fyrst frá sölu Hitaveitu Suðurnesja

Bæjarstjórn Hafnarfjarðar ákvað í dag að fresta tilllögu fulltrúa Sjálfstæðisflokks um að bærinn seldi hlut sinn í Hitaveitu Suðurnesja til Orkuveitu Reykjavíkur. Oddviti sjálfstæðismanna segir brýnt að bærinn gangi sem fyrst frá sölunni.

Eldur í ruslatunnugeymslu í Vesturbænum

Slökkvilið höfuðborgarsvæðisins var kallað út laust eftir klukkan átta í kvöld eftir að tilkynning barst um eld í ruslatunnugeymslu í íbúðarblokk í Vesturbænum. Það var vegfarandi sem gerði slökkviliðinu viðvart.

Óttast um afdrif Steve Fossett

Leit stendur nú yfir að bandaríska auðkýfingnum og ævintýramanninum Steve Fosset en ekkert hefur til hans spurst síðan hann fór á loft í lítilli flugvél í Nevada fylki í Bandaríkjunum í gær. Frá þessu er greint á vefsíðu dagblaðsins Record-Courier í Bandaríkjunum.

Tíu ára fangelsi fyrir að heilsa að sið þýskra nasista

Yfirvöld í Austurríki rannsaka nú myndband sem sýnir unga austurríska hermenn heilsa að sið þýskra nasista. Myndbandið var tekið upp á farsíma og sett á Netið. Nasískur áróður er bannaður samkvæmt lögum í Austurríki og gætu hermennirnir átt von á því að vera dæmdir í allt að tíu ára fangelsi.

Vilja að kjör aldraðra og öryrkja séu leiðrétt

Heilbrigðis- og félagsmálaráðuneytunum hefur í dag borist fjöldi tölvupósta þar sem skorað er á íslensk stjórnvöld að leiðrétta þegar í stað kjör öryrkja og aldraðra til samræmis við íslenskan veruleika. Tilefni póstsendinganna er veikindi tveggja kvenna með ólæknandi krabbamein sem búa við tekjuskerðingu vegna veikinda sinna.

Sjá næstu 50 fréttir

Mest lesið