Etna byrjuð að gjósa

Eldgos hófst í eldfjallinu Etnu á Sikiley í kvöld en ekki er talið að íbúum í nágrenni fjallsins stafi hætta af gosinu. Hraun streymdi niður hlíðar fjallsins og aska barst yfir nærliggjandi þorp. Um lítið gos er að ræða.

Búið er að loka flugvöllum í nágrenni fjallsins af öryggiástæðum en að öðru leyti hafa yfirvöld ekki gripið til sérstakra ráðstafana vegna eldgossins. Logandi hraun streymdi niður hlíðar fjallsins en í litlu magni og langt frá mannabyggðum.

Eldgos af þessari stærðargráðu eru algeng í Etnu og valda þau sjaldan miklu tjóni.