Lögin voru hefndarleiðangur

Stjórnarandstaðan gagnrýnir vinnubrögð ríkisstjórnarinnar harðlega og segir greinilegt að hún hafi viðurkennt uppgjöf í fjölmiðlamálinu. Efast er um að heimilt sé að hætta við þjóðaratkvæðagreiðslu, þar sem skýrt sé kveðið á um hana í stjórnarskrá.

Tveir hermenn létust

Tveir ísraelskir hermenn létust og annar særðist þegar ísraelski herinn og Hizbollah skæruliðar skiptust á skotum við landamæri Ísraels og Líbanons í morgun. Skothríðin hófst eftir að leyniskyttur úr Hizbollah-hreyfingunni gerðu árás á varðturn Ísraelshers.

Mótmælendur skutu upp neyðarblysum

Tilkynning barst stjórnstöð Landhelgisgæslunnar kl. 12:24 í gær um að neyðarblys hefði sést út af Gróttu á Seltjarnarnesi. Stjórnstöðin óskaði þegar eftir því við strandarstöðvarnar að þær kölluðu út til skipa á svæðinu. Slysavarnarfélagið Landsbjörg var einnig beðið um að senda björgunarbát þangað.

Kínverskur læknir laus úr haldi

Jiang Yanyong, kínverskur læknir sem afhjúpaði HABL-veirusýkinguna í Kína á síðasta ári var látinn laus úr fangelsi í dag eftir sjö vikur í haldi. Jiang, sem er 72 ára, krafðist þess í fjölmiðlum að yfirvöld í Kína færu ofan í saumana á atburðunum sem áttu sér stað á torgi Hins himneska friðar árið 1989 þegar hundruð, jafnvel þúsundir námsmanna voru drepnir.

Arafat stal milljörðum

Fyrrverandi gjaldkeri PLO samtaka Yassers Arafats, segir að leiðtoginn hafi stolið milljörðum króna úr sjóðum þeirra. Jawid al Ghussein var gjaldkeri PLO í tólf ár, en varð að flýja land fyrir tveim árum, eftir að hafa sakað leiðtoga samtakanna, opinberlega, um spillingu.

Tugir fórust í sprengingu

Á fjórða tug manna lét lífið þegar sprenging varð í úkraínskri kolanámu. Björgunarstarfsmenn börðust við mikið bál, banvænar gasgufur og allt að fimmtíu stiga hita þegar þeir reyndu að bjarga nokkrum kolanámumönnum sem var saknað eftir slysið.

Hefði viljað kosningar

Ólafur Hannibalsson, talsmaður Þjóðarhreyfingarinnar, sem barist hefur gegn fjölmiðlalögunum, segist telja að lögin séu ekki á hendi Alþingis og að þjóðin hafi stjórnarskrárvarinn rétt til þess að greiða um þau atkvæði.

Blóðið er úr Sri Ramawati

Niðurstaða hefur nú borist á DNA prófum vegna hvarfs Sri Ramawati. Í ljós hefur komið að blóð sem fannst í íbúð og bíl mannsins sem hefur verið handtekinn vegna hvarfs hennar, er allt úr Sri Ramawati.

Staðfestir að fallið sé frá lögum

Fundi allsherjarnefndar er lokið. Bjarni Benediktsson, formaður nefndarinnar, rakti niðurstöður hans fyrir fréttamönnum, og var þar í fyrsta skipti staðfest opinberlega að fallið yrði frá lögum um takmarkanir á eignarhaldi fjölmiðla.

SH festir kaup á Seachill Ltd.

Sölumiðstöð hraðfrystihúsanna hefur fest kaup á 80% hlutafjár í breska matvælafyrirtækinu Seachill Ltd. sem sérhæfir sig í framleiðslu kældra sjávarafurða. Kaupverð hlutarins er 4,9 ma.kr. en áætluð velta Seachill er 12 ma.kr. á þessu ári.

Eldur í rafstöðinni slökktur

Eldurinn sem kviknaði í gömlu rafstöðinni í Elliðaárdalnum á 3. tímanum í dag hefur verið slökktur. Allt tiltækt slökkvilið var kallað á vettvang og tókst fljótlega að ráða niðurlögum eldsins.

Yfir 500 látin

Náttúruhamfarirnar í Suður-Asíu halda áfram að kosta fjölda manns lífið. Sautján létust af völdum eldinga í Bangladess og 49 Indverjar drukknuðu þegar þeir lentu í hringiðu í miklum vatnavöxtum í Assam héraði í noðausturhluta Indlands.

Ljósmyndari umkringdur hermönnum

Ljósmyndari Víkurfrétta var í dag umkringdur af hermönnum varnarliðsins á Keflavíkurflugvelli þar sem hann var við störf sín fyrir utan hliðið að Patterson flugvelli. Hermenn og herlögreglumenn gerðu athugasemdir við störf ljósmyndarans og meinuðu honum að taka myndir af flugvellinum.

Eldur í Elliðaárdal

Allt tiltækt slökkvilið var kallað út að gömlu rafstöðinni í Elliðaárdal rétt fyrir klukkan tvö í gær. Talsvert mikinn reyk lagði frá húsinu sem hýsir enga starfsemi og notað er sem geymsla.

Flugþjónar börðu farþega

Tveir drukknir flugþjónar börðu farþega eftir að hann gerði athugasemd við drykkju þeirra og bað um að vera afgreiddur af allsgáðum flugþjóni.

Erfitt að endurgreiða skattinn

Skattayfirvöld í Singapúr standa frammi fyrir óvenjulegum vanda. Þau vita ekki hvernig þau eiga að koma andvirði tæps milljarðs króna til réttmætra eigenda sinna.

Kúgaði stórfé út úr skólabróður

Ellefu ára fauti neyddi bekkjarfélaga sinn um nokkurra ára skeið til að láta sig hafa pening fyrir tölvuleikjum og sælgæti með hótunum um að beita hann barsmíðum ella. Þegar upp var staðið hafði sá sem lagður var í einelti afhent honum vel yfir hálfa milljón króna.

Hefði átt að kjósa

Þarna er verið að gefa sér að þjóðin hefði hafnað lögunum og ekki síst gengið á rétt þeirra sem hefðu viljað fá tækifæri til þess að sýna samþykki sitt við lögin," segir Dögg Pálsdóttir hæstaréttarlögmaður.

Vilja meiri vinnu fyrir sömu laun

Starfsmenn Bosch í Frakklandi samþykktu í kosningum að lengja vinnuvikuna um eina klukkustund gegn engri launahækkun. Forsvarsmenn Bosch höfðu hótað uppsögnum. Aðeins tvö prósent starfsmanna í verksmiðjum Bosch höfnuðu hugmyndinni.

Landhelgin óvarin

Útlit er fyrir að ekkert íslenskt varðskip gæti landhelgi Íslands sem og öryggis sjómanna á hafi úti næstu tvo til þrjá dagana en eina varðskipið sem er við skyldustörf á hafi úti er á leið í land í vikufrí.

Funda um miðjan ágúst

Það verður ekkert fundað vegna þessa máls fyrr en stjórnarmenn eru komnir til baka úr sumarfríum sínum," segir Hörður Harðarson, stjórnarformaður Mjólkurfélags Reykjavíkur, en margir félagsmenn krefjast rannsóknar á meintum brotum fyrrverandi stjórnarformanns, Kristins Gylfa Jónssonar.

Leita sátta

Mér finnst virðingarvert að ríkisstjórnin skuli reyna að leita sátta um fjölmiðlafrumvarpið," segir Hannes Hólmsteinn Gissurarson, prófessor í stjórnmálafræði, um afturköllun ríkisstjórnarinnar á fjölmiðlalögunum.

Bryggjuhátíð á Drangsnesi

Siginn bútungur, lundi, hrefnukjöt, selskjöt og sigin grásleppa voru meðal þess sem var á boðstólum á árlegri Bryggjuhátíð sem haldin var í blíðskaparveðri á Drangsnesi um helgina. Fjölmenni var mætt á Bryggjuhátíðina á laugardaginn, sem orðinn er árviss viðburður í Drangsnesi.

Skoðar Kárahnjúka vegna kæru

Erindreki Bernar-sáttmálans í Strassborg hefur skoðað svæðið við Kárahnjúka sem sökkt verður í vatn, vegna kæru Alþjóða fuglaverndunarfélagsins.

Lögreglan sannfærð um sök

Lögregla er sannfærð um að karlmaður, sem situr í gæsluvarðhaldi, hafi ráðið hinni indónesísku Sri Ramawati bana. DNA-rannsókn staðfestir að blóð í íbúð mannsins og bíl sé allt úr konunni. Í íbúðinni voru merki um barsmíðar, en maðurinn neitar enn sök.

Þjóðarhreyfingin starfar áfram

Þjóðarhreyfing um lýðræði, sem hefur barist gegn fjölmiðlalögunum, segist enn hafa hlutverki að gegna. Hreyfingin verði ekki lögð niður. Ólafur Hannibalsson, talsmaður Þjóðarhreyfingarinnar telur Alþingi ekki hafa vald til að afturkalla fjölmiðlafrumvarpið þar sem það sé enn í höndum þjóðarinnar eftir synjun forseta á því.

Norðurljós ekki á móti lögum

Sigurður G. Guðjónsson, forstjóri Norðurljósa, segir það fagnaðarefni að fjölmiðlafrumvarpið verði dregið til baka. Hann segist ekki vera á móti því að sett verði lög um eignarhald á fjölmiðlum, en fólk sem þekki fjölmiðla verði að koma að setningu slíkra laga.

Skynsamlegt en samt brot

Dögg Pálsdóttir, hæstaréttarlögmaður, segir að forseti Íslands standi andspænis erfiðu vali, ef og þegar hann fær nýtt frumvarp ríkisstjórnarinnar til staðfestingar: Á hann að velja leið skynseminnar eða leið stjórnarskrárinnar?

Með Alþingi í gíslingu

Leiðtogar stjórnarandstöðunnar segja að nú sé möguleiki á að ná sátt í samfélaginu um fjölmiðlalög, ef undirbúningur þeirra verður unnin í samstarfi við alla. Formaður Samfylkingarinnar segir fráleitt að afnema málsskotsrétt forsetans, hann sé eina vörn borgaranna gegn ráðherraræðinu.

Vill endurskoða málskotsrétt

Forsætisráðherra vill láta endurskoða 26. grein stjórnarskrárinnar um málskotsrétt forseta. Þetta er þó ekki liður í samkomulagi formanna stjórnarflokkanna. Davíð Oddsson sagði í morgun að fulltrúar allra flokkanna hefðu rætt um endurskoðun stjórnarskrárinnar hvað þetta varðar.

Alþingi ræðir frumvarp um afnám

Alþingi verður kallað saman á morgun til að ræða nýtt frumvarp ríkisstjórnarinnar um afnám fjölmiðlalaganna. Samkomulagið var kynnt í allsherjarnefnd síðdegis. Forsætisráðherra segist ekki líta svo á að ríkisstjórnin hafi bakkað, hann segir alla stjórnmálaflokka vilja setja lög um fjölmiðla nema þá, sem sækja stefnu sína til Norðurljósa.

Ákvörðun forseta stendur eftir

Fjölmiðlamálið svokallaða hefur nú tekið enda eftir þriggja mánaða sleitulausar umræður og deilur jafnt á Alþingi sem í samfélaginu. Umræður um málið á Alþingi voru hinar næstlengstu frá upphafi, en alls töluðu þingmenn í þrjá og hálfan sólarhring.

Vill enn fjölmiðlalög

Sjálfstæðismenn lýsa yfir vonbrigðum með málalyktir og sjá fram á að nýtt fjölmiðlafrumvarp verði lagt fram. Framsóknarmenn vildu koma í veg fyrir aukna sundrung. Stjórnarandstaðan segir niðurstöðuna gríðarlegt áfall fyrir ríkisstjórnina.

Afturköllun vegna stjórnlagakreppu

Þrátt fyrir að tilkynnt hafi verið um afturköllun fjölmiðlalaganna segir meirihluti allsherjarefndar í áliti sínu að hann telji að þau standist stjórnarskrá. Synjun forsetans á lögunum hafi leitt til stjórnlagakreppu um túlkun stjórnarskrár

Framkvæmdir fyrir endur

Hringbraut hefur verið þrengd við Sæmundargötu þar sem verið er að endurnýja ræsi fyrir endur svo þær komist leiðar sinnar undir akbrautina. Umferð hefur ekki raskast verulega vegna framkvæmdanna sem lýkur um miðjan ágúst, þó mönnum seinki líklega aðeins á háannatíma.

Ísland í dag og fyrir 30 árum

Frönsk hjón og kvikmyndagerðarmenn, sem fjölluðu um Ísland á margmiðlunarsýningu árið 1971, hafa tekið upp þráðinn að nýju. Ætlunin er að bera saman Ísland í dag og Ísland fyrir 30 árum. 

Ný kynslóð abstraktmálara

Ný kynslóð abstraktmálara gerir mikla lukku meðal listaelítunnar í Rússlandi þessa dagana. Verkin eru máluð af svínum, kráku, fíl, höfrungi og apa. Listrænn þjálfari dýranna hefur unnið með þeim í fimm ár og afrakstur þeirrar vinnu dregur að sér fjölda fólks.

Þyrla sækir slasaðan sjómann

Þyrla Landhelgisgæslunnar, TF-LÍF, lenti um sjöleytið með slasaðan sjómann úr skipinu Mánabergi frá Ólafsfirði. Tilkynnt var um slysið seint í gærkvöldi, en þyrlan var kölluð út um hálf fjögur í nótt.

Nemendum rænt í Nepal

Skæruliðar í Nepal rændu í gær 50 nemendum og um tug kennara þeirra í Katmandu, höfuðborg landsins. Nemendurnir eru aðallega stelpur á aldrinum þrettán til sextán ára. Skæruliðarnir beindu byssum að ungmennunum og kennurum þeirra og neyddu þau út úr skólanum. Skæruliðasamtök maóista í Nepal vilja steypa konungsveldinu af stóli.

Sprenging utan við lögreglustöð

Að minnsta kosti 10 manns létust og 50 særðust í sjálfsmorðsárás við lögreglustöð í Bagdad í morgun. Ekkert lát virðist á árásum þrátt fyrir að Írakar hafi tekið við stjórn landsins. Bifreið eða einhvers konar bensíntrukki var ekið inn á bílastæði fyrir framan lögrelgustöðina um átta leytið í morgun en þá voru flestir á leið til vinnu sinnar.

Fundi frestað í allsherjarnefnd

Fundi Allsherjarnefndar Alþingis, sem boðað hafði verið til klukkan 10, var frestað til klukkan fimm síðdegis. Leiðtogar stjórnarandstöðunnar eru afar ósáttir við þessa ákvörðun. Þeir höfðu krafist þess að nefndin kæmi saman á föstudaginn var, en þeirri beiðni var synjað og fundur boðaður klukkan 10 í dag.

Fyrsti hermaðurinn heim

Yfirmaður mannúðarsveita filippseyska hersins í Írak lenti í Manila, höfuðborg Filippseyja í gær. Hann kom fyrstur hermanna Filippseyja sem hafa verið kallaðir heim frá Írak vegna hótana uppreisnarmanna um að taka af lífi filippseyskan gísl, mánuði fyrr en ráðgert var.

Góður árangur tóbaksforvarna

Sala á tóbaki á Íslandi minnkaði um 42.5 % á tímabilinu 1984-2001. Þetta er meðal þess sem kom fram í ræðu Hjálmars W. Hannessonar, sendiherra og fastafulltrúa hjá Sameinuðu þjóðunum, sem hann hélt á aðalfundi Efnahags- og félagsmálaráðs Sameinuðu þjóðanna (ECOSOC) sem hófst 28. júní og stendur til 23. þessa mánaðar.

Bossi segir af sér

Umberto Bossi, leiðtogi Norðurbandalagsins á Ítalíu, hefur sagt af sér sem ráðherra í ríkisstjórn Berlusconis. Þrátt fyrir afsögn hans er talið að ríkisstjórnin haldi velli, enda munu aðrir þingmenn Norðurbandalagsins áfram styðja stjórnina. Norðurbandalagið hefur áður fellt ríkisstjórn Berlusconis, en árið 1994 sprakk stjórn hans eftir aðeins sjö mánuði.

Fangarnir vinsælir í Danmörku

Danskir fangar virðast vinsælir, í það minnsta er kapphlaupið hafið í Danmörku um hvaða sveitarfélag fær nýtt fangelsi til sín. Áformað er að reisa nýtt fangelsi á austurhluta Danmerkur og mun það skapa um 250 til 300 störf.