Tveir hermenn létust

Tveir ísraelskir hermenn létust og annar særðist þegar ísraelski herinn og Hizbollah skæruliðar skiptust á skotum við landamæri Ísraels og Líbanons í morgun. Skothríðin hófst eftir að leyniskyttur úr Hizbollah-hreyfingunni gerðu árás á varðturn Ísraelshers. Ísraelsmenn sendu árásarþyrlur samstundis á loft sem gerðu árásir á nokkur þorp á landamærunum þar sem talið er meðlimir Hizbollah hafist við. Háttsettur aðili úr Hizbollah lést í gær þegar sprengja sprakk í Beirút, höfuðborg Líbanons, en talið er að Ísraelsmenn hafi staðið á bak við tilræðið.