Gummi Tóta og Guð­björg keyptu á 145 milljónir

Parið á von á öðru barni sínu saman en þau fluttu nýverið aftur heim til Íslands eftir að hafa búið saman erlendis síðustu sex ár. Guðmundur spilaði á þeim tíma sem atvinnumaður í fjórum liðum í New York, í Álaborg, á Krít og í Jerevan í Armeníu og hafði þar áður spilað í Noregi, Danmörku og Svíþjóð.

Guðmundur gekk til liðs við Íþróttabandalag Akraness fyrir sumarið en parið hefur þó greinilega ákveðið að halda sig á höfuðborgarsvæðinu og fundu sér flott heimili í Hvörfunum í Kópavogi.

Um er að ræða 114 fermetra endaraðhús, byggt árið 2017, með þremur svefnherbergjum og þrjátíu fermetra bílskúr. Frá stofu er gengið út á rúmlega hundrað fermetra timburpall með heitum potti og fyrir framan er steypt upphitað bílaplan.