Gyökeres á leið í læknis­skoðun og fær númerið hans Henry

David Ornstein hjá The Athletic greinir frá og segir kaupverðið 63,5 milljónir evra, aðrar 10 milljónir evra gætu svo bæst við í bónusgreiðslum.

Gyökeres hafi fengið leyfi frá Sporting til að ferðast til Lundúna og muni gangast undir læknisskoðun hjá Arsenal á morgun, fimm ára samningur verði svo undirritaður í kjölfarið.

Svíinn muni fá treyju númer fjórtán, númer sem Arsenal goðsögnin Thierry Henry bar einnig á bakinu.

Arsenal og Sporting hafa verið í viðræðum í allt sumar og Svíinn hefur ekki farið leynt með áhuga sinn á Lundúnaliðinu. Manchester United reyndi við Gyökeres líka en án árangurs.