Dag­skráin: Stelpurnar hennar Betu í beinni og Norðurálsmótið

Elísabet Gunnarsdóttir er að fara með belgíska landsliðið á EM og í kvöld er komið að síðasta leik liðsins fyrir mótið. Belgísku stelpurnar mæta Grikklandi í æfingarleik og hann verður í beinni í kvöld.

Norðurálsmótið fór fram upp á Akranesi um síðustu helgi og í kvöld fáum við að sjá þátt um mótið. Þar verður gaman að sjá tilþrif hjá framtíðarfótboltamönnum landsins.

Það verður einnig sýnt beint frá Opna ítalska mótinu í golfi, frá Armundi German Masters á LPGA mótaröðinni í golfi og frá Dow Championship mótinu í golfi.

Kvöldið endar síðan með leik í bandaríska hafnaboltanum.

Hér fyrir neðan má sjá yfirlit yfir beinar útsendingar á sportstöðvunum í dag.

Sýn Sport

Klukkan 20.00 hefst nýr þáttur af Sumarmótunum þar sem fjallað er um Norðurálsmótið á Akranesi.

SÝN Sport 3

Klukkan 11.30 hefst útsending frá Opna ítalska meistaramótinu í golfi í DP heimsbikarnum.

SÝN Sport 4

Klukkan 15.00 hefst útsending frá Dow Championship golfmótinu á LPGA mótaröðinni.

SÝN Sport Viaplay

Klukkan 13.00 hefst útsending frá Armundi German Masters golfmótinu á evrópsku mótaröðinni hjá konunum.

Klukkan 18.10 hefst bein útsending frá leik Belgíu og Grikklands en þetta er vináttulandleikur í kvennafótboltanum.

Klukkan 23.00 hefst bein útsending frá leik Atlanta Braves og New York Mets í bandarísku hafnaboltadeildinni.