Gefa öllum ný­fæddum börnum búning fé­lagsins

Bologna er í Seríu A og endaði í níunda sæti á nýloknu tímabili. Bologna er borg í Emilía-Rómanja héraðinu á Ítalíu, fyrir norðan Flórens en suður af Parma.

Félagið er stolt svæðisins enda á það á yfir 75 tímabil í efstu deild og hefur unnið ítölsku deildina sjö sinnum. Sá síðasti kom reyndar í hús árið 1964 en Bologna varð ítalskur bikarmeistari í þriðja sinn í vetur.

Til að passa upp á útbreiðsluna og tryggja sér framtíðarstuðningsmenn þá fór félagið í samstarf með borgarstjórn Bologna og íþróttavöruframleiðandanum Macron.

Þeir ákváðu því að gefa öllum nýfæddum börnum búning félagsins. Markmið var að búa til tengsli á milli íbúa og félagsins frá fyrsta degi.