Íslenski boltinn

Sjáðu mörkin úr Bestu: Valur rústaði KR og tvö rauð fóru á loft í Kópa­vogi

Haraldur Örn Haraldsson skrifar
Það voru læti í leik Breiðabliks og Fram.
Það voru læti í leik Breiðabliks og Fram. Vísir / Hulda Margrét

Nú er hægt að sjá öll mörkin úr leikjunum sem fóru fram í gær í 12. umferð Bestu deild karla. Þrír leikir fóru fram, 12 mörk voru skoruð, tvær vítaspyrnur voru dæmdar og tvö rauð spjöld fóru á loft.

Það var nýliðaslagur í Eyjum þar sem Afturelding kom í heimsókn. Vicente Valor kom ÍBV yfir, en Afturelding kom til baka í seinni hálfleik. Benjamin Stokke og Aron Jóhannsson skoruðu mörk Mosfellinga.

Klippa: Mörkin í leik ÍBV gegn Aftureldingu

Það var Reykjavíkurslagur á Hlíðarenda þar sem Valur vann KR 6-1. Mörk Vals skoruðu Kristinn Freyr Sigurðsson, Tómas Bent Magnússon, Orri Sigurður Ómarsson, Tryggvi Hrafn Haraldsson, Patrick Pedersen og Lúkas Logi Heimisson. KR skoraði sitt eina mark úr víti en það var Jóhannes Kristinn Bjarnason sem skoraði það.

Klippa: Mörkin í leik Vals gegn KR

Breiðablik tók á móti Fram í Kópavoginum en sá leikur endaði 1-1. Vuk Oskar Dimitrijevic skoraði mark Fram, áður en að Höskuldur Gunnlaugsson jafnaði frá vítapunktinum. Það sauð allt upp úr eftir vítið og bæði Höskuldur og Kyle McLagan fengu að líta rauða spjaldið.

Klippa: Mörkin og slagsmálin úr leik Blika og Fram
Besta deild karla Fótbolti Íslenski boltinn

Mest lesið


Fleiri fréttir

Sjá meira


×

Mest lesið