Sendi sónarmynd: Tvö á­kærð eftir fjár­kúgun gamallar kærustu

Samkvæmt suður-kóreskum miðlum er konan fyrrverandi kærasta Son og er hún sögð hafa sent sónarmynd og fullyrt að hún gengi með barnið hans.

Konan mun á síðasta ári hafa krafið Son um peninga gegn því að hún myndi ekki segja frá því að hann ætti barnið. Maðurinn fylgdi þessari kröfu svo eftir í mars síðastliðnum og reyndi að hafa fé af Son.

Í yfirlýsingu frá umboðsskrifstofu Son í maí sagði að hann væri „augljóst fórnarlamb í þessu máli“ og að brugðist yrði við með „hörðum, lagalegum aðferðum“ til að verjast þessum „kolröngu fullyrðingum“.

Áfram hjá Tottenham?

Son hefur skorað 173 mörk í 454 leikjum fyrir Tottenham frá því að hann kom til félagsins frá Leverkusen árið 2015. Hann skoraði þó aðeins 11 mörk í öllum keppnum á síðustu leiktíð en átti 12 stoðsendingar og vann sinn fyrsta stóra titil með Tottenham þegar liðið varð Evrópudeildarmeistari.

Tottenham hefur nú skipt út stjóranum Ange Postecoglou og ætlar að ráða Thomas Frank í hans stað. Son tjáði sig lítillega um framtíð sína hjá félaginu eftir 4-0 sigur með Suður-Kóreu gegn Kúveit og sagði:

„Ég á enn eitt ár eftir af samningnum mínum. Í stað þess að segja eitthvað núna þá held ég að við ættum að bíða og sjá hvað gerist. En sama hvar ég enda á að spila þá mun ég alltaf gera mitt besta, það breystist aldrei.“