Íslenski boltinn

Sjáðu frá­bært liðsmark FH, markaveislu Blika og Þrótt halda sig á toppnum

Óskar Ófeigur Jónsson skrifar
Freyja Karín Þorvarðardóttir fagnar marki sínu fyrir Þrótt í gær en þetta var sjöunda deildarmark hennar í sumar.
Freyja Karín Þorvarðardóttir fagnar marki sínu fyrir Þrótt í gær en þetta var sjöunda deildarmark hennar í sumar. Vísir/Guðmundur Þórlaugarson

Heil umferð fór fram í Bestu deild kvenna í fótbolta í gær þar sem efstu þrjú liðin unnu öll sína leiki. Nú má sjá öll mörkin úr umferðinni hér á Vísi.

Þróttur er með þriggja stiga forskot á toppnum eftir 2-0 sigur á Þór/KA í Laugardalnum. María Eva Eyjólfsdóttir og Freyja Karín Þorvarðardóttir skoruðu mörkin í sjöunda sigri liðsins í fyrstu átta leikjunum.

Klippa: Mörkin úr sigri Þróttar á Þór/KA

Blikar skoruðu sex mörk á móti nýliðum FHL og sex mismunandi leikmenn skoruðu mörkin. Samantha Smith, Agla María Albertsdóttir, Barbára Sól Gísladóttir, Birta Georgsdóttir, Andrea Rut Bjarnadóttir og Berglind Björg Þorvaldsdóttir skoruðu mörkin.

Klippa: Mörkin úr sigri Blika á FHL

FH fóru í Víkinga og unnu 4-1 sigur á heimakonum í Víkingi. Thelma Karen Pálmadóttir skoraði tvö mörk en hin mörkin skoruðu þær Deja Sandoval og Elísa Lana Sigurjónsdóttir. Fjórða og síðasta mark FH-liðsins var frábært liðsmark þar sem FH-konur sunduspiluðu Víkingsliðið.

Klippa: Mörkin úr sigri FH á Víkingi

Nýliðar Fram eru að láta vita af sér og unnu 3-1 sigur á Stjörnunni í gær. Murielle Tiernan skoraði tvívegis eftir að Lily Anna Farkas hafði komið Fram yfir í upphafi leiks.

Klippa: Mörkin úr sigri Fram á Stjörnunni

Tindastóll og Valur gerðu 2-2 jafntefli í fyrsta leik umferðarinnar þar sem bæði liðin komust yfir. Makala Woods og Elísa Bríet Björnsdóttir skoruðu fyrir Stólana en Nadía Atladóttir og Bryndís Eiríksdóttir fyrir Val.

Klippa: Mörkin úr jafntefli Tindastóls og Vals
Besta deild kvenna Þróttur Reykjavík FH Breiðablik Fram Stjarnan Valur Tindastóll FHL Þór Akureyri KA Víkingur Reykjavík

Mest lesið


Fleiri fréttir

Sjá meira


×

Mest lesið