Fótbolti

Enriqu­e hluti af fá­mennum hópi ótrú­legra sigur­vegara

Runólfur Trausti Þórhallsson skrifar
Enrique og bikarinn eftirsótti.
Enrique og bikarinn eftirsótti. EPA-EFE/ANNA SZILAGYI

Hinn 55 ára gamli Luis Enrique varð í kvöld hluti af fámennum sex manna hópi sem hefur unnið Meistaradeild Evrópu karla í knattspyrnu með tveimur mismunandi liðum.

Enrique og lærisveinar hans í París Saint-Germain eru besta lið Evrópu í dag, á því leikur engu vafi. Sama er svo sem hægt að segja um Barcelona-lið hans sem vann Meistaradeild Evrópu árið 2015 með Lionel Messi, Neymar og Luis Suárez í fararbroddi.

Enrique hefur þar með unnið Meistaradeildina með tveimur mismundandi liðum en aðeins fimm þjálfarar höfðu gert það fyrir kvöldið í kvöld.

Forveri Enrique hjá Barcelona, Pep Guardiola, vann einnig Meistaradeildina með liðinu og svo með Manchester City árið 2023. Líkt og Enrique þá vann Guardiola lið Inter í úrslitum það árið.

Aðrir á listanum eru Ottmar Hitzfeld (Borussia Dortmund og Bayern München), Jupp Heynckes (Real Madríd og Bayern), José Mourinho (Porto og Inter) og Carlo Ancelotti (AC Milan).

Sá síðastnefndi er svo í sérflokki þar sem hann vann Meistaradeildina tvívegis með Mílanó-liðinu og þrívegis með Real. Aðrir hafa aðeins unnið keppnina tvisvar.




Fleiri fréttir

Sjá meira


×