Neyddust til þess að sofa á æfinga­svæðinu

Sevilla hefur ekki unnið í síðustu átta leikjum sínum og situr í sextánda sæti spænsku úrvalsdeildarinnar. Liðið tapaði enn einum leiknum um helgina.

Er liðið kom til baka úr leiknum og á æfingasvæði félagsins þá beið stór hópur stuðningsmanna eftir þeim. Þeir höfðu fátt gott í huga.

Kveikt var á blysum og hliðið inn á svæðið var rifið niður.

Af öryggisástæðum var ákveðið að láta leikmenn og starfsmenn gista á æfingasvæðinu. Ástandið þótti ekki nógu tryggt fyrir leikmenn að keyra heim til sín.

Forráðamenn félagsins hafa fordæmt þessi skipulögðu skemmdarverk harkalega og ætla að bregðast harkalega við gagnvart þeim sem stóðu fyrir mótmælunum.