Bann trans kvenna vegna fordóma fremur en öryggis Valur Páll Eiríksson skrifar 18. febrúar 2025 08:02 Kolbrún Hrund Sigurgeirsdóttir situr í framkvæmdastjórn ÍSÍ og í jafnréttisnefnd Ólympíunefndar Evrópu. Vísir/Ívar Stjórnarkona hjá bæði ÍSÍ og jafnréttisnefnd Ólympíunefndar Evrópu segir bann Donalds Trump, Bandaríkjaforseta, við þátttöku trans kvenna í íþróttum áhyggjuefni. Íslenska íþróttahreyfingin eigi að standa með inngildingu fremur en útilokun. Donald Trump, Bandaríkjaforseti, skrifaði í byrjun þessa mánaðar undir tilskipun sem bannar trans konum alfarið að taka þátt í kvennaíþróttum vestanhafs. Tilskipunin beinist helst gegn skólum en Trump hótar því að skera niður alríkisstyrki til skóla sem bjóða trans konum upp á þátttöku í kvennaíþróttum. Kolbrún Hrund Sigurgeirsdóttir, sem situr í framkvæmdastjórn ÍSÍ sem og jafnréttisnefnd Ólympíunefndar Evrópu, segir tilskipun Trumps áhyggjuefni. „Við auðvitað óttumst áhrifin sem hans ákvarðanir munu hafa. Það er kannski of snemmt að segja hver áhrifin verða en við óttumst auðvitað að þetta hafi áhrif og stuðli að frekari útilokun sem er ekki gott,“ „Það hefur þrengt að trans fólki í íþróttum á undanförnum misserum og þá sérstaklega trans konum. Í rauninni kannski ekki vegna þess að það sé mjög aðkallandi mál. Við höfum ekki verið að upplifa það í íþróttahreyfingunni að trans konur séu ógn við íþróttakonur eða þetta sé það stór hópur að það þurfi að bregðast strax við. Ég held það sé ekki endilega innistæða fyrir því,“ segir Kolbrún. Snúist meira um fordóma en öryggi Borið hefur á aukinni andúð í garð trans fólks í íþróttum síðustu misseri. Umræðan byggist helst á áhyggjum af öryggi íþróttakvenna en Kolbrún segir rannsóknir ekki hafa sýnt fram á meint óöryggi. „Við höfum kannski haft þá tilfinningu að þetta snúist meira um fordóma gegn trans fólki heldur en nokkurn tíma öryggi íþróttakvenna,“ Kolbrún segir öryggisákall Trumps og fleiri vera ákveðið yfirvarp. Í raun byggi tilskipunin á fordómum.Vísir/Ívar „Við höfum séð það erlendis að alþjóðasambönd hafa gripið til þess að útiloka trans konur frá keppni á efsta stigi. Það er stundum misjafnt hvort það sé ástæða fyrir þessari útilokun eða ekki. Hvort að fólk sé að fyrirbyggja eitthvað sem gæti gerst mögulega, eða hvort það sé einhver raunveruleg ógn þar. En það hefur ekki verið sýnt fram á að það sé raunveruleg ógn sem kalli á þetta,“ segir Kolbrún. Alvarlegar afleiðingar fyrir Khelif Dæmi um þessa fordóma hafi kjarnast í háværri umræðu um hnefaleikakonuna Imane Khelif sem keppti á Ólympíuleikunum í sumar. Upplýsingaóreiðan varð algjör er frægt fólk á við Elon Musk og J.K. Rowling úthrópaði hana sem karlmann að berja konur á Ólympíuleikum. Khelif er hvorki karl né trans kona. Því hefur verið haldið fram að hún sé intersex, en það hefur hvergi verið staðfest. Intersex hefur að gera með meðfædd frávik á erfðafræðilegri framsetningu, hormónastarfsemi og kynfærum. Trans, til samanburðar, er heiti yfir fólk sem er með kynvitund sem ekki samræmist því kyni sem úthlutað er við fæðingu. „Hún er sökuð um að vera trans kona og sökuð um að vera karl að keppa á móti konum. Það er bara fullt af fólki sem hefur rödd úr valdastöðu sem fór að beita sinni rödd þarna til að níðast á henni. Þetta hafði mjög alvarlegar afleiðingar í för með sér fyrir þessa íþróttakonu. Þetta er ekki sú vegferð sem við viljum vera á,“ segir Kolbrún. Ísland eigi að standa fyrir inngildingu fremur en útilokun Hún hefur áhyggjur af þróuninni og að fleiri feti í fótspor Trump og útiloki fólk frá þátttöku. Ísland eigi að berjast gegn slíku á alþjóðavettvangi. „Við þurfum að muna það að á Íslandi eru lög um kynrætt sjálfstæði. Þannig að þegar Íslendingar fara á ársþing alþjóðasambandanna eigum við auðvitað að kjósa um það að trans fólk fái að keppa. Við eigum að nýta okkar rödd og okkar góðu lög til að styrkja okkur í því,“ „Mögulega munu fleiri sambönd banna trans fólki að keppa á efsta stigi og það er miður. En mitt persónulega mat er að við ættum að nýta röddina okkar til að standa með trans fólki en ekki á móti því,“ segir Kolbrún. Sjá má frétt úr Sportpakka gærkvöldsins í spilaranum. Hinsegin Bandaríkin Donald Trump ÍSÍ Málefni trans fólks Mest lesið Fagnaði heimsmetinu í karíókí herbergi Sport Bitvargurinn fékk tólf leikja bann Sport Mikil ánægja með Mikael: „Hann hefur gjörbreytt liðinu“ Fótbolti Uppþot í Eyjum: „Í kvöld töpuðu íþróttirnar“ Handbolti Ítalskur skíðakappi lést eftir árekstur á æfingu Sport Líktu varnarleik KR við varnarleik fimmtugs old boys liðs Íslenski boltinn „Sérfræðingarnir sem hafa spáð okkur tólfta sætinu“ Íslenski boltinn Þjálfari Sverris rekinn eftir tvo leiki Sport Dagskráin í dag: Meistaradeildin hefst, Lokasóknin og VARsjáin Sport Lárus Orri: Fórum í „Fuck you mode“ Íslenski boltinn Fleiri fréttir Uppþot í Eyjum: „Í kvöld töpuðu íþróttirnar“ Líktu varnarleik KR við varnarleik fimmtugs old boys liðs Sjáðu hvernig ÍA lyfti sér af botninum og mörkin í Smáranum Ítalskur skíðakappi lést eftir árekstur á æfingu Bitvargurinn fékk tólf leikja bann Fagnaði heimsmetinu í karíókí herbergi Dagskráin í dag: Meistaradeildin hefst, Lokasóknin og VARsjáin Mikil ánægja með Mikael: „Hann hefur gjörbreytt liðinu“ Burrow leggst undir hnífinn og verður lengi frá Þjálfari Sverris rekinn eftir tvo leiki Bellingham batnaði hraðar en búist var við „Sérfræðingarnir sem hafa spáð okkur tólfta sætinu“ Varamaður Mikaels skoraði jöfnunarmarkið Lárus Orri: Fórum í „Fuck you mode“ Sparkað í klof liðsfélaga Kolbeins en sigurinn sóttur Uppgjörið: ÍA - Afturelding 3-1 | Sigurganga Skagamanna heldur áfram Meiðslahrjáði miðvörðurinn lætur gott heita Uppgjörið: Breiðablik - ÍBV 1-1 | Eyjamenn náðu ekki upp í efri hlutann Hundfúll út í Refina Verður væntanlega ráðinn 89 dögum eftir að hann var rekinn City rak barþjón sem mætti í United-treyju í vinnuna Sló heimsmetið í fjórtánda sinn „United er að keppa við hina Ferrari-bílana en með Skoda-vél“ Krísa í Kansas Sigur færir Eyjamönnum sæti í efri hlutanum Arnór framlengir til 2028: „Vil sjá hversu langt við getum farið“ Vann maraþonið með 0,003 sekúndna mun Leik hætt eftir að leikmaður hné niður Beit andstæðing á HM „Ef félagið vill breyta um leikstíl verður það að breyta um mann“ Sjá meira
Donald Trump, Bandaríkjaforseti, skrifaði í byrjun þessa mánaðar undir tilskipun sem bannar trans konum alfarið að taka þátt í kvennaíþróttum vestanhafs. Tilskipunin beinist helst gegn skólum en Trump hótar því að skera niður alríkisstyrki til skóla sem bjóða trans konum upp á þátttöku í kvennaíþróttum. Kolbrún Hrund Sigurgeirsdóttir, sem situr í framkvæmdastjórn ÍSÍ sem og jafnréttisnefnd Ólympíunefndar Evrópu, segir tilskipun Trumps áhyggjuefni. „Við auðvitað óttumst áhrifin sem hans ákvarðanir munu hafa. Það er kannski of snemmt að segja hver áhrifin verða en við óttumst auðvitað að þetta hafi áhrif og stuðli að frekari útilokun sem er ekki gott,“ „Það hefur þrengt að trans fólki í íþróttum á undanförnum misserum og þá sérstaklega trans konum. Í rauninni kannski ekki vegna þess að það sé mjög aðkallandi mál. Við höfum ekki verið að upplifa það í íþróttahreyfingunni að trans konur séu ógn við íþróttakonur eða þetta sé það stór hópur að það þurfi að bregðast strax við. Ég held það sé ekki endilega innistæða fyrir því,“ segir Kolbrún. Snúist meira um fordóma en öryggi Borið hefur á aukinni andúð í garð trans fólks í íþróttum síðustu misseri. Umræðan byggist helst á áhyggjum af öryggi íþróttakvenna en Kolbrún segir rannsóknir ekki hafa sýnt fram á meint óöryggi. „Við höfum kannski haft þá tilfinningu að þetta snúist meira um fordóma gegn trans fólki heldur en nokkurn tíma öryggi íþróttakvenna,“ Kolbrún segir öryggisákall Trumps og fleiri vera ákveðið yfirvarp. Í raun byggi tilskipunin á fordómum.Vísir/Ívar „Við höfum séð það erlendis að alþjóðasambönd hafa gripið til þess að útiloka trans konur frá keppni á efsta stigi. Það er stundum misjafnt hvort það sé ástæða fyrir þessari útilokun eða ekki. Hvort að fólk sé að fyrirbyggja eitthvað sem gæti gerst mögulega, eða hvort það sé einhver raunveruleg ógn þar. En það hefur ekki verið sýnt fram á að það sé raunveruleg ógn sem kalli á þetta,“ segir Kolbrún. Alvarlegar afleiðingar fyrir Khelif Dæmi um þessa fordóma hafi kjarnast í háværri umræðu um hnefaleikakonuna Imane Khelif sem keppti á Ólympíuleikunum í sumar. Upplýsingaóreiðan varð algjör er frægt fólk á við Elon Musk og J.K. Rowling úthrópaði hana sem karlmann að berja konur á Ólympíuleikum. Khelif er hvorki karl né trans kona. Því hefur verið haldið fram að hún sé intersex, en það hefur hvergi verið staðfest. Intersex hefur að gera með meðfædd frávik á erfðafræðilegri framsetningu, hormónastarfsemi og kynfærum. Trans, til samanburðar, er heiti yfir fólk sem er með kynvitund sem ekki samræmist því kyni sem úthlutað er við fæðingu. „Hún er sökuð um að vera trans kona og sökuð um að vera karl að keppa á móti konum. Það er bara fullt af fólki sem hefur rödd úr valdastöðu sem fór að beita sinni rödd þarna til að níðast á henni. Þetta hafði mjög alvarlegar afleiðingar í för með sér fyrir þessa íþróttakonu. Þetta er ekki sú vegferð sem við viljum vera á,“ segir Kolbrún. Ísland eigi að standa fyrir inngildingu fremur en útilokun Hún hefur áhyggjur af þróuninni og að fleiri feti í fótspor Trump og útiloki fólk frá þátttöku. Ísland eigi að berjast gegn slíku á alþjóðavettvangi. „Við þurfum að muna það að á Íslandi eru lög um kynrætt sjálfstæði. Þannig að þegar Íslendingar fara á ársþing alþjóðasambandanna eigum við auðvitað að kjósa um það að trans fólk fái að keppa. Við eigum að nýta okkar rödd og okkar góðu lög til að styrkja okkur í því,“ „Mögulega munu fleiri sambönd banna trans fólki að keppa á efsta stigi og það er miður. En mitt persónulega mat er að við ættum að nýta röddina okkar til að standa með trans fólki en ekki á móti því,“ segir Kolbrún. Sjá má frétt úr Sportpakka gærkvöldsins í spilaranum.
Hinsegin Bandaríkin Donald Trump ÍSÍ Málefni trans fólks Mest lesið Fagnaði heimsmetinu í karíókí herbergi Sport Bitvargurinn fékk tólf leikja bann Sport Mikil ánægja með Mikael: „Hann hefur gjörbreytt liðinu“ Fótbolti Uppþot í Eyjum: „Í kvöld töpuðu íþróttirnar“ Handbolti Ítalskur skíðakappi lést eftir árekstur á æfingu Sport Líktu varnarleik KR við varnarleik fimmtugs old boys liðs Íslenski boltinn „Sérfræðingarnir sem hafa spáð okkur tólfta sætinu“ Íslenski boltinn Þjálfari Sverris rekinn eftir tvo leiki Sport Dagskráin í dag: Meistaradeildin hefst, Lokasóknin og VARsjáin Sport Lárus Orri: Fórum í „Fuck you mode“ Íslenski boltinn Fleiri fréttir Uppþot í Eyjum: „Í kvöld töpuðu íþróttirnar“ Líktu varnarleik KR við varnarleik fimmtugs old boys liðs Sjáðu hvernig ÍA lyfti sér af botninum og mörkin í Smáranum Ítalskur skíðakappi lést eftir árekstur á æfingu Bitvargurinn fékk tólf leikja bann Fagnaði heimsmetinu í karíókí herbergi Dagskráin í dag: Meistaradeildin hefst, Lokasóknin og VARsjáin Mikil ánægja með Mikael: „Hann hefur gjörbreytt liðinu“ Burrow leggst undir hnífinn og verður lengi frá Þjálfari Sverris rekinn eftir tvo leiki Bellingham batnaði hraðar en búist var við „Sérfræðingarnir sem hafa spáð okkur tólfta sætinu“ Varamaður Mikaels skoraði jöfnunarmarkið Lárus Orri: Fórum í „Fuck you mode“ Sparkað í klof liðsfélaga Kolbeins en sigurinn sóttur Uppgjörið: ÍA - Afturelding 3-1 | Sigurganga Skagamanna heldur áfram Meiðslahrjáði miðvörðurinn lætur gott heita Uppgjörið: Breiðablik - ÍBV 1-1 | Eyjamenn náðu ekki upp í efri hlutann Hundfúll út í Refina Verður væntanlega ráðinn 89 dögum eftir að hann var rekinn City rak barþjón sem mætti í United-treyju í vinnuna Sló heimsmetið í fjórtánda sinn „United er að keppa við hina Ferrari-bílana en með Skoda-vél“ Krísa í Kansas Sigur færir Eyjamönnum sæti í efri hlutanum Arnór framlengir til 2028: „Vil sjá hversu langt við getum farið“ Vann maraþonið með 0,003 sekúndna mun Leik hætt eftir að leikmaður hné niður Beit andstæðing á HM „Ef félagið vill breyta um leikstíl verður það að breyta um mann“ Sjá meira