Sögðu upp í hrönnum í stað þess að fylgja skipun ráðuneytis Samúel Karl Ólason skrifar 15. febrúar 2025 08:32 Eric Adams, hinn umdeildi borgarstjóri New York, er sagður einskonar fangi Donalds Trump, sem reynir að beita dómsmálaráðuneytinu til að stjórna Adams. AP/Ed Reed Alríkissaksóknarar í Washington DC í Bandaríkjunum hafa beðið dómara um að fella niður mútuþægnimál gegn Eric Adams, borgarstjóra New York. Það að koma kröfunni til dómara kostaði mikil átök og sögðu saksóknarar upp í hrönnum áður en tveir fundust til að skrifa undir. Málið hefur vakið mikla athygli vestanhafs en nýir forsvarsmenn dómsmálaráðuneytisins hafa lýst því yfir opinberlega að þeir séu ekki að reyna að fella málið niður vegna skorts á sönnunargögnum eða vegna þess að litlar líkur séu á sakfellingu. Þess í stað vilja þeir fella málið niður því það „kemur niður á getu Adams“ til að starfa með ríkisstjórn Donalds Trump hvað varðar farand- og flóttafólk sem heldur til í Bandaríkjunum með ólöglegum hætti og vegna þess að ákærurnar eiga að koma niður á getu hans til að hljóta endurkjör seinna á árinu. Adams hefur verið ákærður fyrir mútuþægni, fjársvik og að þiggja ólögleg kosningaframlög frá erlendum einstaklingum. Sjá einnig: Borgarstjóri New York lýsir yfir sakleysi sínu Ráðuneytið vill fella málið niður með þeim hætti að hægt verði að taka það upp aftur á nýjan leik, þyki tilefni til. Það þykir til marks um að Trump, sem gæti alveg eins náðað Adams, vilji halda borgarstjóranum í nokkurs konar gíslingu út kjörtímabil hans. Til marks um það mætti Adams í viðtal á Fox News í gær, þar sem hann sat við hlið Thomas Homan, sem Trump hefur skipað í embætti „landamærakeisara“ og hefur það hlutverk að draga úr flæði farand- og flóttafólks til Bandaríkjanna. Þar lýsti Adams því yfir að hann ætlaði að vinna með ríkisstjórninni. Homan sagði í viðtalinu að ef Adams starfaði ekki með þeim, myndi Homan fara til New York. „Og við munum ekki sitja á neinum sófa. Ég verð á skrifstofunni hans, ofan í hálsmálinu á honum, spyrjandi: Hvað í helvítinu varð um samkomulagið okkar?“ sagði Homan. Sagði hættulegt fordæmi skapast Danielle R. Sassoon, sem tók við embætti æðsta saksóknara Manhattan eftir að Trump tók við embætti, sagðist í bréfi sem hún sendi ráðuneytinu að hún gæti ekki framfylgt skipunni þar sem hún sagði hana ekki byggja á gildum grunni. Í bréfinu, sem lesa má hér á vef New York Times, sagði hún að ástæðan sem forsvarsmenn dómsmálaráðuneytisins hefðu gefið væru slíkar að hún gæti ekki tekið þátt í þeim. Hún sagði að eina ástæðan fyrir því að fella ætti málið niður væri að Adams gæti aðstoðað Trump með einhverjum hætti. Hún sakaði ráðuneytið um að skapa hættulegt fordæmi og sagði dómstóla ólíklega til að samþykkja niðurfellinguna. Sassoon vísaði einnig til fundar sem haldinn var í lok janúar, sem sóttur var af starfandi aðstoðarríkissaksóknara, lögmönnum Adams og saksóknurum, þar sem lögmenn borgarstjórans töluðu berum orðum um að hann gæti aðstoðað Trump, en eingöngu ef málið yrði fellt niður. Þá hafi Emil Bove, áðurnefndur starfandi aðstoðarríkissaksóknari skammað saksóknara fyrir að skrifa niður minnispunkta á fundinum og gert þá upptæka að honum loknum. Gaf saksóknurum klukkutíma til að skrifa undir Hagan Scotten, saksóknarinn sem leiddi rannsóknina gegn Adams, sagði sömuleiðis af sér og sendi Bove einnig bréf. Þar fór hann líka hörðum orðum um skipunina og sagði hana ekki samkvæmt lögum og venjum. Í uppsagnarbréfi sínu skrifaði Scotten að sá lögmaður sem framfylgdi skipuninni væri annað hvort „fífl“ eða „heigull“. Í kjölfarið var ákvörðunin um að láta málið niður falla lögð á borð sérstakrar skrifstofu saksóknara í Washington sem hefur það hlutverk að halda utan um lögsóknir gegn embættismönnum fyrir spillingu. Báðir saksóknararnir sem leiddu deildina sögðu af sér í stað þess að framfylgja skipun dómsmálaráðuneytisins og þrír aðrir lögmenn fylgdu þeim eftir. Eric Adams á fundi með Thomas Homan í heimavarnaráðuneyti Bandaríkjanna.AP/Ed Reed Washington Post segir að Bove hafi þá kallað aðra starfsmenn deildarinnar á sinn fund og skipað þeim að finna út úr því hver ætti að fara með niðurfellinguna fyrir dómara. Þeir sem vildu ekki gera það yrðu reknir og þeir sem gerðu það yrðu hækkaðir í tign. AP fréttaveitan segir Bove hafa gefið lögmönnunum klukkutíma til að finna tvo til að skrifa undir kröfuna til dómarans og það virðist hafa gengið eftir. Fréttaveitan hefur eftir heimildarmanni að í fyrstu hafi hópurinn ákveðið að segja upp, allir sem einn. Eldri saksóknari hafi þó stigið fram og sagst ætla að skrifa undir, ásamt öðrum, svo yngra starfsfólkið myndi ekki missa vinnuna. Krafan ber nöfn Edward Sullivan og Antoinette Bacon, sem hafa bæði starfað lengi hjá deildinni. Kalla eftir afsögn Adams Áköll eftir því að Adams stígi til hliðar verða sífellt hærri. Á meðal þeirra sem hafa kallað eftir afsögn Adams, eða að Kathy Hochul, ríkisstjóri New York, víki honum úr embætti eru embættismenn og stjórnmálamenn frá New York borg. Antonio Delgado, aðstoðarríkisstjóri, segir augljóst að Adams geti ekki lengur þjónað íbúum borgarinnar með hag þeirra og New York í huga. Þingkonan Alexandria Ocasio-Cortez, sem er frá New York, hefur sömuleiðis sagt að borgarstjórinn ógni öryggi íbúa New York. Segi hann ekki af sér verði að víkja honum úr embætti. Fyrri sitt leyti hafði Hochul sagt að hún ætlaði sér ekki að víkja Adams úr embætti, þar til í gær. Þá sagði hún málið mjög alvarlegt og vildi ekki útiloka að víkja honum úr embætti. Hún þyrfti að skoða málið alvarlega. Bandaríkin Donald Trump Erlend sakamál Mest lesið Íslendingur í Bandaríkjunum: „Þetta er mjög óþægileg staða“ Erlent Fær þyngri dóm fyrir að nauðga konu, taka það upp og senda henni Innlent Fólki sé vel treystandi til að fá sér bjór á íþróttaviðburðum Innlent NEL tekur fyrir mál fjölskyldu Sigurðar Kristófers í júní Innlent Rússar notuðu Brasilíu sem njósnaraverksmiðju Erlent Lögregla leitar manns Innlent Svona verður Sæbraut í stokki Innlent Ákærður fyrir að ráðast á leigubílstjóra Innlent Netanjahú segir Starmer, Macron og Carney draga taum Hamas Erlent Græddu á hjólinu í fyrra og vilja endurtaka leikinn Innlent Fleiri fréttir Netanjahú segir Starmer, Macron og Carney draga taum Hamas Rússar notuðu Brasilíu sem njósnaraverksmiðju Íslendingur í Bandaríkjunum: „Þetta er mjög óþægileg staða“ Banna erlendum nemendum að sækja Harvard Eyðilegging í íbúðahverfi í San Diego eftir að lítil flugvél hrapaði Samþykktu billjóna dollara skattalækkanir og niðurskurð til velferðarmála Norðmaður fékk flutningaskip næstum inn í húsið á meðan hann svaf Tveir ísraelskir sendiráðsstarfmenn skotnir til bana í Washington Íbúar Austur-Grænlands mótmæltu einangrun og pólitísku afskiptaleysi Skutu mann í röngu húsi en brutu ekki af sér Nota lygapróf til að leita lekamanna og refsa þeim Notuðu þúsundir myndavéla til að vakta hergagnaflutninga Sat fyrir forseta Suður-Afríku með ásökunum um þjóðarmorð á hvítum Handtóku unga öfgahægrimenn sem hugðu á hryðjuverk Úkraínskur fyrrverandi embættismaður skotinn til bana í Madrid Norðmenn þurfa að taka tillit til loftslagsáhrifa olíuvinnslunar Dreifing hjálpargagna enn ekki hafin Senda farandfólk frá Asíu til Suður-Súdan Synir El Chapo sagðir hafa myndað afdrífaríkt bandalag Ætlar að eyða mun minna í pólitíkina Hætta viðræðum við Ísrael og boða aðgerðir Evrópuríki leggja refsiaðgerðir á „skuggaflota“ Rússa Fjarlægja höfundarmerkingu einnar frægustu fréttaljósmyndar sögunnar Leiðtogar Bretlands, Frakklands og Kanada hóta aðgerðum gegn Ísrael Sagði „Diddy“ hafa hótað að láta hana hverfa Suðureyjargöng náðu ekki í gegnum Lögþingið Borga fyrir skotfæri til Úkraínu með frystum eigum Rússa „Frábært“ símtal en án niðurstöðu Forsætisráðherra Spánar vill Ísrael í bann frá Eurovision Banna „óæskilega“ starfsemi Amnesty International í Rússlandi Sjá meira
Málið hefur vakið mikla athygli vestanhafs en nýir forsvarsmenn dómsmálaráðuneytisins hafa lýst því yfir opinberlega að þeir séu ekki að reyna að fella málið niður vegna skorts á sönnunargögnum eða vegna þess að litlar líkur séu á sakfellingu. Þess í stað vilja þeir fella málið niður því það „kemur niður á getu Adams“ til að starfa með ríkisstjórn Donalds Trump hvað varðar farand- og flóttafólk sem heldur til í Bandaríkjunum með ólöglegum hætti og vegna þess að ákærurnar eiga að koma niður á getu hans til að hljóta endurkjör seinna á árinu. Adams hefur verið ákærður fyrir mútuþægni, fjársvik og að þiggja ólögleg kosningaframlög frá erlendum einstaklingum. Sjá einnig: Borgarstjóri New York lýsir yfir sakleysi sínu Ráðuneytið vill fella málið niður með þeim hætti að hægt verði að taka það upp aftur á nýjan leik, þyki tilefni til. Það þykir til marks um að Trump, sem gæti alveg eins náðað Adams, vilji halda borgarstjóranum í nokkurs konar gíslingu út kjörtímabil hans. Til marks um það mætti Adams í viðtal á Fox News í gær, þar sem hann sat við hlið Thomas Homan, sem Trump hefur skipað í embætti „landamærakeisara“ og hefur það hlutverk að draga úr flæði farand- og flóttafólks til Bandaríkjanna. Þar lýsti Adams því yfir að hann ætlaði að vinna með ríkisstjórninni. Homan sagði í viðtalinu að ef Adams starfaði ekki með þeim, myndi Homan fara til New York. „Og við munum ekki sitja á neinum sófa. Ég verð á skrifstofunni hans, ofan í hálsmálinu á honum, spyrjandi: Hvað í helvítinu varð um samkomulagið okkar?“ sagði Homan. Sagði hættulegt fordæmi skapast Danielle R. Sassoon, sem tók við embætti æðsta saksóknara Manhattan eftir að Trump tók við embætti, sagðist í bréfi sem hún sendi ráðuneytinu að hún gæti ekki framfylgt skipunni þar sem hún sagði hana ekki byggja á gildum grunni. Í bréfinu, sem lesa má hér á vef New York Times, sagði hún að ástæðan sem forsvarsmenn dómsmálaráðuneytisins hefðu gefið væru slíkar að hún gæti ekki tekið þátt í þeim. Hún sagði að eina ástæðan fyrir því að fella ætti málið niður væri að Adams gæti aðstoðað Trump með einhverjum hætti. Hún sakaði ráðuneytið um að skapa hættulegt fordæmi og sagði dómstóla ólíklega til að samþykkja niðurfellinguna. Sassoon vísaði einnig til fundar sem haldinn var í lok janúar, sem sóttur var af starfandi aðstoðarríkissaksóknara, lögmönnum Adams og saksóknurum, þar sem lögmenn borgarstjórans töluðu berum orðum um að hann gæti aðstoðað Trump, en eingöngu ef málið yrði fellt niður. Þá hafi Emil Bove, áðurnefndur starfandi aðstoðarríkissaksóknari skammað saksóknara fyrir að skrifa niður minnispunkta á fundinum og gert þá upptæka að honum loknum. Gaf saksóknurum klukkutíma til að skrifa undir Hagan Scotten, saksóknarinn sem leiddi rannsóknina gegn Adams, sagði sömuleiðis af sér og sendi Bove einnig bréf. Þar fór hann líka hörðum orðum um skipunina og sagði hana ekki samkvæmt lögum og venjum. Í uppsagnarbréfi sínu skrifaði Scotten að sá lögmaður sem framfylgdi skipuninni væri annað hvort „fífl“ eða „heigull“. Í kjölfarið var ákvörðunin um að láta málið niður falla lögð á borð sérstakrar skrifstofu saksóknara í Washington sem hefur það hlutverk að halda utan um lögsóknir gegn embættismönnum fyrir spillingu. Báðir saksóknararnir sem leiddu deildina sögðu af sér í stað þess að framfylgja skipun dómsmálaráðuneytisins og þrír aðrir lögmenn fylgdu þeim eftir. Eric Adams á fundi með Thomas Homan í heimavarnaráðuneyti Bandaríkjanna.AP/Ed Reed Washington Post segir að Bove hafi þá kallað aðra starfsmenn deildarinnar á sinn fund og skipað þeim að finna út úr því hver ætti að fara með niðurfellinguna fyrir dómara. Þeir sem vildu ekki gera það yrðu reknir og þeir sem gerðu það yrðu hækkaðir í tign. AP fréttaveitan segir Bove hafa gefið lögmönnunum klukkutíma til að finna tvo til að skrifa undir kröfuna til dómarans og það virðist hafa gengið eftir. Fréttaveitan hefur eftir heimildarmanni að í fyrstu hafi hópurinn ákveðið að segja upp, allir sem einn. Eldri saksóknari hafi þó stigið fram og sagst ætla að skrifa undir, ásamt öðrum, svo yngra starfsfólkið myndi ekki missa vinnuna. Krafan ber nöfn Edward Sullivan og Antoinette Bacon, sem hafa bæði starfað lengi hjá deildinni. Kalla eftir afsögn Adams Áköll eftir því að Adams stígi til hliðar verða sífellt hærri. Á meðal þeirra sem hafa kallað eftir afsögn Adams, eða að Kathy Hochul, ríkisstjóri New York, víki honum úr embætti eru embættismenn og stjórnmálamenn frá New York borg. Antonio Delgado, aðstoðarríkisstjóri, segir augljóst að Adams geti ekki lengur þjónað íbúum borgarinnar með hag þeirra og New York í huga. Þingkonan Alexandria Ocasio-Cortez, sem er frá New York, hefur sömuleiðis sagt að borgarstjórinn ógni öryggi íbúa New York. Segi hann ekki af sér verði að víkja honum úr embætti. Fyrri sitt leyti hafði Hochul sagt að hún ætlaði sér ekki að víkja Adams úr embætti, þar til í gær. Þá sagði hún málið mjög alvarlegt og vildi ekki útiloka að víkja honum úr embætti. Hún þyrfti að skoða málið alvarlega.
Bandaríkin Donald Trump Erlend sakamál Mest lesið Íslendingur í Bandaríkjunum: „Þetta er mjög óþægileg staða“ Erlent Fær þyngri dóm fyrir að nauðga konu, taka það upp og senda henni Innlent Fólki sé vel treystandi til að fá sér bjór á íþróttaviðburðum Innlent NEL tekur fyrir mál fjölskyldu Sigurðar Kristófers í júní Innlent Rússar notuðu Brasilíu sem njósnaraverksmiðju Erlent Lögregla leitar manns Innlent Svona verður Sæbraut í stokki Innlent Ákærður fyrir að ráðast á leigubílstjóra Innlent Netanjahú segir Starmer, Macron og Carney draga taum Hamas Erlent Græddu á hjólinu í fyrra og vilja endurtaka leikinn Innlent Fleiri fréttir Netanjahú segir Starmer, Macron og Carney draga taum Hamas Rússar notuðu Brasilíu sem njósnaraverksmiðju Íslendingur í Bandaríkjunum: „Þetta er mjög óþægileg staða“ Banna erlendum nemendum að sækja Harvard Eyðilegging í íbúðahverfi í San Diego eftir að lítil flugvél hrapaði Samþykktu billjóna dollara skattalækkanir og niðurskurð til velferðarmála Norðmaður fékk flutningaskip næstum inn í húsið á meðan hann svaf Tveir ísraelskir sendiráðsstarfmenn skotnir til bana í Washington Íbúar Austur-Grænlands mótmæltu einangrun og pólitísku afskiptaleysi Skutu mann í röngu húsi en brutu ekki af sér Nota lygapróf til að leita lekamanna og refsa þeim Notuðu þúsundir myndavéla til að vakta hergagnaflutninga Sat fyrir forseta Suður-Afríku með ásökunum um þjóðarmorð á hvítum Handtóku unga öfgahægrimenn sem hugðu á hryðjuverk Úkraínskur fyrrverandi embættismaður skotinn til bana í Madrid Norðmenn þurfa að taka tillit til loftslagsáhrifa olíuvinnslunar Dreifing hjálpargagna enn ekki hafin Senda farandfólk frá Asíu til Suður-Súdan Synir El Chapo sagðir hafa myndað afdrífaríkt bandalag Ætlar að eyða mun minna í pólitíkina Hætta viðræðum við Ísrael og boða aðgerðir Evrópuríki leggja refsiaðgerðir á „skuggaflota“ Rússa Fjarlægja höfundarmerkingu einnar frægustu fréttaljósmyndar sögunnar Leiðtogar Bretlands, Frakklands og Kanada hóta aðgerðum gegn Ísrael Sagði „Diddy“ hafa hótað að láta hana hverfa Suðureyjargöng náðu ekki í gegnum Lögþingið Borga fyrir skotfæri til Úkraínu með frystum eigum Rússa „Frábært“ símtal en án niðurstöðu Forsætisráðherra Spánar vill Ísrael í bann frá Eurovision Banna „óæskilega“ starfsemi Amnesty International í Rússlandi Sjá meira