Nketiah nálgast Nottingham

Forest er í framherjaleit og enskir fjölmiðlar greina frá því að félagið vilji fá Nketiah sem hefur leikið með Arsenal allan sinn feril, ef frá er talið hálft tímabil á láni hjá Leeds United.

Nketiah hefur aldrei átt fast sæti í byrjunarliði Arsenal en hann hefur leikið 168 leiki fyrir liðið og skorað 38 mörk. Á síðasta tímabili skoraði Nketiah sex mörk í 37 leikjum í öllum keppnum.

Nketiah varð bikarmeistari með Arsenal 2020. Þessi 25 ára framherji hefur leikið einn A-landsleik fyrir England.

Arsenal vann Wolves, 2-0, í 1. umferð ensku úrvalsdeildarinnar á laugardaginn. Nketiah kom ekkert við sögu í leiknum.