Danny Drinkwater fjár­festi illa og starfar nú sem iðnaðar­maður

Drinkwater var hluti af meistaraliði Leicester 2016 en náði aldrei neinum hæðum hjá Chelsea eftir að hafa skipt þangað 2017. Hann var síðast á mála hjá Reading en lagði skóna á hilluna í fyrra eftir að hafa ekki spilað síðan 2022.

Síðan þá hefur hann fjárfest í veitingastað sem lokaði og næturklúbbi sem fór á hausinn í síðasta mánuði. Nú vinnur hann sem iðnaðarmaður á byggingarsvæði og birti mynd af sér við störf á samfélagsmiðlinum Instagram.

Einn fylgjandi hans svaraði færslunni og sagði um lágpunkt að ræða, en Drinkwater segir að um val sé að ræða og hann elski vinnuna.

Drinkwater hefur áður opnað sig um baráttu við drykkjusýki og geðræn vandamál. Eftir að hann yfirgaf Chelsea bað hann stuðningsfólk félagsins afsökunar á slæmri frammistöðu.