Dómari hneig niður í Suður-Ameríku­keppninni

Í uppbótartíma fyrri hálfleiks hneig Humberto Panjoj frá Gvetemala niður. Markvörður kanadíska liðsins, Maxime Crepeau, var snöggur að kveikja á perunni og kallaði eftir aðstoð fyrir Panjoj. 

Hann stóð upp skömmu síðar en var svo settur á börur og borinn af velli. Í seinni hálfleik var svo annar dómari mættur á hliðarlínuna til að leysa Panjoj af hólmi.

Hitinn í Kansas City var mikill en talið er að hann hafi verið tæplega fjörutíu gráður á meðan leikurinn var í gangi. Þá var rakinn yfir fimmtíu prósent í fyrri hálfleik.

Kanada vann leikinn með einu marki gegn engu. Það gerði Jonatan David á 74. mínútu. Í hinum leik A-riðils sigraði Argentína Síle, 0-1. Lautaro Martínez gerði eina mark leiksins á 88. mínútu.