Messi allt í öllu í sigri í nótt

Messi skoraði tvö mörk sjálfur í leiknum og gaf einnig stoðsendingu á góðvin sinn Sergio Busquets.

Messi skoraði fyrsta markið eftir stoðsendingu frá Luis Suarez á 11. mínútu en það seinna úr vítaspyrnu á 81. mínútu.

Miami liðið lenti undir strax á 2. mínútu þegar þeir skoruðu sjálfsmark. Messi jafnaði níu mínútum síðar og lagði síðan upp mark fyrir Busquets eftir 39 mínútna leik.

Messi er þar með kominn með fjögur mörk og þrjár stoðsendingar í fyrstu fjórum leikjunum eftir að hann kom til bara eftir meiðsli.

Dagur Dan Þórhallsson og félagar í Orlando City náðu 2-2 jafntefli á útivelli á CF Montreal með því að jafna metin í uppbótatíma. Dagur Dan spilaði allan leikinn.

Nökkvi kom inn á sem varamaður sautján mínútum fyrir leikslok þegar lið hans St. Louis City gerði 3-3 jafntefli á útivelli á móti Sporting Kansas City. Staðan var 2-2 þegar Nökkvi kom inn í leikinn.

Sporting Kansas City komst yfir í 3-2 fjórum mínútum síðar en St. Louis menn tókst að jafna metin í uppbótatíma.

Inter Miami er í efsta sæti Austurdeildarinnar með 5 sigra og 3 jafntefli í 10 leikjum. St. Louis City er í áttunda sætinu í Vesturdeildinni og Orlando City er í 12. sæti í Austurdeildinni.