Fótbolti

Ancelotti fram­lengir við Real Madrid

Ingvi Þór Sæmundsson skrifar
Carlo Ancelotti hefur tvívegis gert Real Madrid að Evrópumeisturum.
Carlo Ancelotti hefur tvívegis gert Real Madrid að Evrópumeisturum. getty/Juan Manuel Serrano Arce

Ítalinn Carlo Ancelotti hefur skrifað undir nýjan samning við Real Madrid til 2026.

Hinn 64 ára Ancelotti hafði verið orðaður við brasilíska landsliðið en nú er ljóst að hann verður áfram hjá Real Madrid.

Ancelotti tók í annað sinn við Real Madrid 2021. Undir hans stjórn vann liðið spænsku úrvalsdeildina, Meistaradeild Evrópu og heimsmeistaramót félagsliða 2022 og spænsku bikarkeppnina 2023.

Ancelotti stýrði Real Madrid áður á árunum 2013-15. Þá varð liðið Evrópumeistari og bikarmeistari.

Auk Real Madrid hefur Ancelotti stýrt Reggiana, Parma, Juventus, AC Milan og Napoli á Ítalíu, Chelsea og Everton á Englandi, Paris Saint-Germain í Frakklandi og Bayern München í Þýskalandi.

Real Madrid er á toppi spænsku úrvalsdeildarinnar ásamt spútnikliði Girona. Næsti leikur strákanna hans Ancelottis er gegn Mallorca á miðvikudaginn.

Spænski boltinn

Mest lesið


Fleiri fréttir

Sjá meira


×

Mest lesið