Erlent

Al­ræmdir glæpahópar gripnir með tvö tonn af kókaíni

Ólafur Björn Sverrisson skrifar
Myndir frá spænsku lögreglunni sem sýna bátinn sem notaður var við smyglið á portugölsku ströndinni. Með þessari sendingu áttu hátt í 220 kíló af kókaíni að lenda í höndum basknesk glæpahóps. 
Myndir frá spænsku lögreglunni sem sýna bátinn sem notaður var við smyglið á portugölsku ströndinni. Með þessari sendingu áttu hátt í 220 kíló af kókaíni að lenda í höndum basknesk glæpahóps.  spænska lögreglan

Spænska lögreglan hefur handtekið tíu manns, sem taldir eru háttsettir innan alræmds glæpahóps á Spáni og í Portúgal. Hópurinn er talinn afar umsvifamikill í fíkniefnasmygli innan Evrópu. 

Aðgerðin var stór að umfangi og naut lögregla liðsinnis Europol og Eurojust. Á vefsíðu Europol segir að glæpahópurinn hafi staðið að fíkniefnasmygli frá níunda áratugnum og lengi verið alræmdur á því sviði. 

Aðgerðin fór fram 18. desember, þar sem níu voru handteknir á Spáni og einn í Portúgal. Auk þess var húsleit framkvæmd á tólf stöðum. Hinir handteknu eru grunaðir um að hafa staðið að smygli í spænsku borgunum Pontevedra, Ourense, A Coruña og portúgölsku borginni Monção. Alls lagði lögregla hald á hvorki meira né minna en tvö tonn af kókaíni í öllum aðgerðum.

Aðgerðin var umfangsmikil.spænska lögreglan

Þá segir einnig að aðgerðin hafi verið í bígerð frá febrúar 2023, þegar lögregla komst á snoðir um glæpahring sem stóð að smygli á ströndum Portúgal. Mikið hafi verið lagt í að taka við efnunum og koma þeim áleiðis til Galicia-héraðs á Spáni. Aðgerðin var framkvæmd þegar Galacia-hópurinn var í þann mund að taka við sendingu á ströndinni en skömmu eftir að rannsókn hófst lagði lögregla sömuleiðis hald á 220 kíló af kókaini. Í þeirri ferð var efnunum ætlað að enda í höndum alræmds glæpahóps í Baskalandi. 

Spánn Portúgal
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið