Hátíðarmaturinn sem klikkar ekki

Hamborgarhryggur eða Hamborgarahryggur?

Nafnið á þessum vinsæla hátíðarmat hefur valdið smávegis misskilningi gegnum tíðina. Hvort á að segja Hamborgarhryggur eða Hamborgarahryggur?

„Hver einustu jól þá kemur upp þessi umræða. Það er rétt að segja Hamborgarhryggur sem er líklega tökuorð frá danska heitinu “Hamburgerryg”. Misskilningurinn hérlendis liggur trúlega þar að orðið ‘Hamburger’ þýðir í raun hamborgari, sem er dregið frá norður þýsku borginni Hamborg,“ segir Helena Marteinsdóttir, Markaðsstjóri Ali.

Saltminni Hamborgarhryggur og einfaldari matreiðsla

„Saltmagnið í Hamborgarhryggurinnum okkar hefur minnkað í gegnum tíðina. Það býður upp á enn fleiri eldunarmöguleika og einfaldar um leið eldamennskuna. Það er bæði hægt að sjóða hrygginn eða setja hann beint í ofninn. Þegar það kemur að hátíðarmatnum þá má ekkert klikka, því leggjum við áherslu á bragðgæði og að einfalda eldamennskuna,“ segir Helena.

Grillaður Hamborgarhryggur á hátíðarborðið

„Sumir halda fast í hefðirnar og elda hrygginn alltaf eins á hverju ári eftir kúnstarinnar reglum svo eru aðrir duglegir að prufa sig áfram í eldamennskunni.  En það er svo skemmtilegt með Hamborgarhrygginn að hann má elda á ótal máta. Við fáum að heyra allskonar skemmtilegar sögur á hverju ári frá viðskiptavinum sem eru að segja okkur frá því hvernig til hefur tekist við að elda hátíðarmatinn. Það sem kom á óvart í fyrra var að þó nokkrir eru farnir að grilla Hamborgarhrygginn og segja það vera algjörlega frábært. Það er því um að gera fyrir alla grillara landsins að prufa þetta,“ segir Helena.

Einföld uppskrift af ljúffengum Ali Hamborgarhrygg

Stillið ofninn á 150-160°C og skerið tígulmynstur í puruna á Hamborgarhryggnum eftir smekk. Hryggnum er komið fyrir í ofnpotti og vatni hellt í pottinn. Einnig er hægt að setja hrygginn á ofngrind og hella 1 lítra af vatni í ofnskúffu sem er komið fyrir neðst í ofninum.  Kjarnhitamæli er komið fyrir í hryggnum. Látið suðuna koma rólega upp.

Þegar suðan er komin upp er hryggurinn látinn eldast í um 45-60 mínútur eða þar til að kjarnhitastig hefur náð 68°C. Hamborgarhryggurinn er þá tekinn upp úr soðinu og settur á ofnskúffu, þá næst er gljáinn útbúinn. 

Klassískur gljái

Hrærið saman eftirfarandi hráefnum í potti á vægum hita

• 300 gr. púðursykur
• 100 gr. tómatpúrra
• 100 gr. sinnep 

Hrygginn er síðan penslaður með gljáanum þar til að allur hryggurinn er hulinn.  Heilar ananassneiðar eru settar á eftir smekk.  Hryggurinn er eldaður í ofninum á 210°C þar til að kjarnhiti hefur náð 72°C.