Erlent

Hitametin falla í Brasilíu

Gunnar Reynir Valþórsson skrifar
Aðdáendur Taylor Swift bíða í hitanum eftir að komast inn á tónleika hennar á Ólympíuleikvanginum í Ríó.
Aðdáendur Taylor Swift bíða í hitanum eftir að komast inn á tónleika hennar á Ólympíuleikvanginum í Ríó. AP Photo/Silvia Izquierdo

Hitamet var slegið í Brasilíu á sunnudaginn var þegar hitamælar í bænum Araçuaí í suð-austurhluta landsins sýndu 44.8 gráður á selsíuskvarðanum.

Mikil hitabylgja gengur nú yfir hluta landsins og er veðurfyrirbrigðinu El Ninó kennt um öfgarnar auk þess sem loftslagsbreytingarnar almennt hafa áhrif þar eins og annarsstaðar. Veðurfræðingar vonast til að draga fari úr hitanum í þessari viku en rauðar viðvaranir hafa verið í gildi víða um landið síðustu daga.

Eins og víða annarsstaðar hafa hitametin fallið í Brasilíu síðustu misserin og frá því í júlí hafa allir mánuðir verið yfir meðaltalinu í hitatölum.

Stórstjarnan Taylor Swift hefur verið á hljómleikaferðalagi um landið og ung stúlka lét lífið fyrir tónleika hennar í Rio de Janeiro  á dögunum eftir að hafa fallið í yfirlið. Tónleikunum var aflýst.

Loftslagsmál Brasilía
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið