Her­mos­o leggur inn kvörtun til sak­­sóknara vegna for­­setans

Frá þessu er greint á vef Sky Sports en hneykslismál tengd Rubiales hafa skotið upp kollinum í kjölfar sigurs Spánar á HM í Nýja-Sjálandi og Ástralíu. 

Hegðun forsetans, sem greip meðal annars um hreðjar sínar eftir úrslitaleikinn og kyssti svo Hermoso rembingskossi á munninn án hennar samþykkis, hefur hlotið mikla gagnrýni.

Alþjóða knattspyrnusambandið hefur dæmt Rubiales í tímabundið bann frá afskiptum af fótbolta á meðan að rannsókn á málum honum tengdum fer fram. 

Hermoso gaf vitnisburð hjá saksóknaraembættinu fyrr í dag og vonast hún til þess að sitt mál hljóti skjóta afgreiðslu.