John Andrews: Þakklátur KSÍ fyrir leikjaálagið

Þetta verður þriðji leikur liðsins á tíu dögum og þjálfari liðsins, Írinn John Andrews, tekur leikjaálaginu fagnandi. 

„KSÍ gerði okkur stóran greiða og setti svo marga leiki á stuttan tíma. Ég er ekki að grínast, þetta er frábært. Við höfum ekki haft tíma til að hugsa um úrslitaleikinn. Ég hef reynt að vera rólegur síðustu vikur því við hefðum getað misst okkur aðeins eftir FH-leikinn. Það var í mínum verkahring að ná leikmönnum og starfsfólki niður og svo getum við byggt okkur aftur upp fyrir föstudaginn.“

Fyrirfram verður Breiðablik að teljast sigurstranglegra liðið í einvíginu en þær sitja í efsta sæti Bestu deildar kvenna. Lið Víkings trónir þó á toppi Lengjudeildarinnar og hefur aðeins tapað einum leik í sumar. Nadía Atladóttir, fyrirliði Víkings, segir að Víkingar séum engan veginn saddir þrátt fyrir gott gengi í sumar.

„Alls alls ekki. Maður er aldrei saddur. Þetta er geggjað tækifæri og við ætlum að gera allt til að vinna þennan leik. Þær eru náttúrulega í fyrsta sæti í Bestu deildinni og þær eru góðar en ég myndi samt segja að við séum líka góðar þannig að þetta verður hörku viðureign.“

Viðtölin í heild við þau John og Nadíu má sjá í spilaranum hér að neðan.