Fréttir

Maður handtekinn vegna hótana

Auður Ösp Guðmundsdóttir skrifar
Lögreglan á höfuðborgarsvæðinu sinnti margvíslegum útköllum í nótt.
Lögreglan á höfuðborgarsvæðinu sinnti margvíslegum útköllum í nótt. Vísir/Vilhelm

Maður var vistaður í fangageymslu lögreglunnar í nótt vegna hótana. Talið er að hann hafi verið vopnaður.

Þetta kemur fram í dagbók lögreglunnar á höfuðborgarsvæðinu en málið er skráð á Lögreglustöð 1 sem sinnir útköllum í austurbæ, vesturbæ, miðborg og Seltjarnarnesi. Fram kemur að málið sé í rannsókn en ekkert vopn fannst hjá manninum.

Þá var einnig tilkynnt um fjórar líkamsárásir í nótt. Fram kemur að öll málin séu í rannsókn.

Á lögreglustöð 4, sem sinnir útköllum í Grafarvogi, Árbæ og Mosfellsbæ var tilkynnt um líkamsárás. Fram kemur að málið sé einnig rannsakað sem heimilisofbeldi.

Á lögreglustöð 2, sem sinnir útköllum í Hafnarfirði og Garðabæ, var jafnframt tilkynnt um heimilisofbeldismál. Fram kemur að málið sé í rannsókn.

Reykjavík Lögreglumál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið