Innlent

Nú má heita Kara­baldi en ekki Arora

Bjarki Sigurðsson skrifar
Þessi drengur gæti verið skírður Karabaldi eða Luca.
Þessi drengur gæti verið skírður Karabaldi eða Luca. Getty

Mannanafnanefnd samþykkti og færði alls ellefu nöfn á mannanafnaskrá í gær. Einu nafni var hafnað. 

Af nöfnunum ellefu voru fimm karlmannsnöfn, fimm kvenmannsnöfn og eitt kynhlutlaust nafn. Karlmannsnöfnin eru Karabaldi, Kim, Luca, Edor og Sólsteinn. Kvenmannsnöfnin eru Hugrós, Isidora, Lalía, Náttey og Emelý og er kynhlautlausa nafnið Dal.

Beiðni um kvenmannseiginnafnið Arora var hins vegar hafnað. Í úrskurði Mannanafnanefndar segir að nafnið sé ekki ritað í samræmi við ritreglur íslensks máls og því ekki hægt að samþykkja það nema að hefð sé fyrir þessum rithætti. 

„Samkvæmt upplýsingum frá Þjóðskrá Íslands ber enginn nafnið Arora í þjóðskrá sem uppfyllir skilyrði vinnulagsreglna mannanafnanefndar varðandi hefð, sbr. 2. gr. þeirra. Þessi ritháttur nafnsins kemur heldur ekki fyrir í manntölum,“ segir í úrskurðinum. 



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×

Velkomin á Vísi. Þessi vefur notar vafrakökur. Sjá nánar.