Enn einn fót­bolta­maðurinn deyr eftir að hafa hnigið niður á vellinum

Nú síðast fréttist af dauða Fílabeinsstrendingnum Moustapha Sylla. Hinn 21 árs gamli Sylla hneig niður í deildarleik á Fílabeinsströndinni.

Sylla var þarna að spila með liði sínu Racing Club Abidjan en liðið var að spila við Sol á heimavelli sínum í Abidjan. Hann spilaði sem varnarmaður.

Sylla hneig niður og var fluttur á sjúkrahús en þar tókst ekki að bjarga lífi hans.

Hvorki félagið eða knattspyrnusamband Fílabeinsstrandarinnar hafa gefið upp ástæður dauðsfallsins.

Það vakti mikla athygli þegar tókst að bjarga lífi Christians Eriksen á Evrópumótinu í fótbolta sumarið 2021 og hann spilaði fótbolta á nýjan leik.

Þá var allt til alls og hann fékk bestu mögulegu aðstoð mjög fljótlega eftir að hann hneig niður.

Það er hins vegar ekki alltaf svo og í þessum kringumstæðum þá skipta sekúndurnar máli.