Erlent

Segja dular­fullt and­lát átta ára barns hræði­legt slys

Hallgerður Kolbrún E. Jónsdóttir skrifar
Barnið fannst meðvitundarlaust á hótelinu áður en það var flutt á sjúkrahúsið þar sem það var úrskurðað látið.
Barnið fannst meðvitundarlaust á hótelinu áður en það var flutt á sjúkrahúsið þar sem það var úrskurðað látið. Getty/Pita Simpson

Átta ára gamalt barn búsett í Sydney í Ástralíu lést á Fídjí á fimmtudag í kjölfar þess að það fannst meðvitundarlaust í gróðurbeði í hótelgarði. Lögregla segir að um sé að ræða hræðilegt slys. 

Barnið var í fríi með fjölskyldunni sinni á Club Wyndham Denerau Island hótelinu á vesturströnd stærstu eyju Fídjí. Barnið fannst af öðrum gesti á hótelsvæðinu og var síðar úrskurðað látið á sjúkrahúsi í Nadi. 

Lögregla hefur ekki viljað greina frá þjóðerni barnsins en hefur sagt frá því að fjölskylda þess sé búsett í Sydney í Ástralíu. Rannsókn er enn ólokið að sögn lögreglu. 

Talsmaður hótelsins sagði að barnið hafi látist í „hræðilegu slysi“ samkvæmt frétt Guardian en vildi ekki greina frá því hvernig andlátið bar að. 

„Við höfum vottað fjölskyldunni samúð og hugur okkar er hjá þeim um þessar mundir,“ sagði talsmaðurinn. „Stjórnendateymi okkar rannsakar nú atvikið og við sýnum lögreglu fullan samstarfsvilja.“

Fídji Ástralía
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið