Fótbolti

Hörður Björg­vin á­fram ó­sigraður á toppnum | Brynjar Ingi fékk loks tæki­færi

Runólfur Trausti Þórhallsson skrifar
Hörður Björgvin Magnússon og liðsfélagar hans eru á toppnum í Grikklandi með fullt hús stiga.
Hörður Björgvin Magnússon og liðsfélagar hans eru á toppnum í Grikklandi með fullt hús stiga. Twitter@paofc_

Hörður Björgvin Magnússon var á sínum stað í miðverði Panathinaikos þegar liðið vann öruggan 5-1 útisigur á Volos í grísku úrvalsdeildinni í fótbolta í dag. Brynjar Ingi Bjarnason fékk loks tækifæri í byrjunarliði Vålerenga þegar liðið gerði 3-3 jafntefli við Sarpsborg í Noregi.

Það virðist lítið geta komið í veg fyrir sigur Panathinaikos þó aðeins séu tíu umferðir búnar af grísku úrvalsdeildinni. Hörður Björgvin og félagar hafa unnið alla tíu leiki sína í deildinni og þá var markið sem liðið fékk á sig í dag aðeins það þriðja sem liðið fær á sig á leiktíðinni.

AEK Aþena á leik til góða og getur minnkað muninn niður í sex stig en sem stendur virðist Panathinaikos hreinlega óstöðvandi.

Í Noregi fékk Brynjar Ingi loks byrjunarliðssæti eftir að hafa verið út í kuldanum undanfarið. Brynjar Ingi hefur ekki átt sjö dagana sæla undanfarið og var á lista sem enginn vill vera á nýverið.

Brynjar Ingi var í hjarta varnar Vålerenga þegar liðið gerði 3-3 jafntefli í dag. Vålerenga er í 5. sæti deildarinnar með 43 stig.




Fleiri fréttir

Sjá meira


×