Fótbolti

Napoli á toppnum í ítalska boltanum eftir öruggan sigur

Hjörtur Leó Guðjónsson skrifar
Khvicha Kvaratskhelia skoraði þriðja mark Napoli í dag.
Khvicha Kvaratskhelia skoraði þriðja mark Napoli í dag. Ivan Romano/Getty Images

Napoli trónir enn á toppnum í ítölsku úrvalsdeildinni í knattspyrnu eftir öruggan 3-1 heimasigur gegn Torino í dag.

Öll mörk leiksins voru skoruð í fyrri hálfleik, en það var Andre Zambo Anguissa sem kom heimamönnum yfir strax á sjöttu mínútu leiksins.

Anguissa var svo aftur á ferðinni sex mínútum síðar þegar hann tvöfaldaði forystu Napoli áður en Khvicha Kvaratskhelia breytti stöðunni í 3-0 á 37. mínútu leiksins.

Antonio Sanabria minnkaði þó muninn fyrir gestina stuttu fyrir hálfleikshléið og þar við sat.

Niðurstaðan því ö4ruggur 3-1 sigur Napoli sem heldur toppsæti deildarinnar með 20 stig eftir átta leiki, þremur stigum meira en Atalanta sem situr í öðru sæti en á einn leik til góða. Torino situr hins vegar í níunda sæti deildarinnar með tíu stig.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.