Í lífstíðarbann fyrir að hagræða úrslitum

Alþjóðlega heilinda samtökin í tennis (International Tennis Integrity Agency) staðfesti að um væri að ræða hæsta fjölda leikja sem einn aðili hefði verið fundinn sekur um að hagræða. Þá hafi hinn 36 ára gamli Rivera ekki viljað taka þátt í rannsóknarferlinu. Hann var sektaður um 250 þúsund dali, tæplega 36 milljónir króna.

Samkvæmt dómnum mun hann fá varanlegt bann frá því að þjálfa, spila, eða mæta á nokkurn tennisviðburð sem skipulagður er af alþjóðlegum tennisyfirvöldum.

Rivera var fundinn sekur um þónokkur brot á reglum. Hann stýrði öðrum í veðmálum á leiki, reyndi að stýra úrslitum leikja, tók við peningagreiðslum til að hafa neikvæð áhrif á frammistöðu leikmanns og bauð peningagreiðslur til að hafa áhrif á frammistöðu leikmanns.

Tennis er á meðal íþrótta sem er hvað veikust fyrir áhrifum hagræðingar, sérstaklega á lægri stigum þar sem laun leikmanna eru minni. Vegna skorts á rannsóknum og flækjustiginu sem fylgir vandamálinu er þó erfitt að segja til um hversu stórt vandamálið er.