Fótbolti

Svava Rós og Selma Sól skoruðu báðar í jafn­tefli

Runólfur Trausti Þórhallsson skrifar
Svava Rós Guðmundsdóttir skoraði fyrir Brann í dag.
Svava Rós Guðmundsdóttir skoraði fyrir Brann í dag. brann.no

Svava Rós Guðmundsdóttir og Selma Sól Magnúsdóttir skoruðu báðar þegar Brann og Rosenborg gerðu 1-1 jafntefli. Sveindís Jane Jónsdóttir hóf tímabilið á bekknum hjá Wolfsburg, Berglind Björg Þorvaldsdóttir spilaði sínar fyrstu mínútur fyrir París Saint-Germain og Anna Björk Kristjánsdóttir var í liði Inter sem vann stórsigur.

Úrslitakeppnin í Noregi er farin af stað og þar mættust stórlið Brann og Rosenborg í dag. Selma Sól kom gestunum í Rosenborg yfir en Svava Rós jafnaði metin fyrir Brann og þar við sat.

Sveindís Jane byrjaði á bekknum en kom inn í síðari hálfleik í 4-0 sigri Wolfsburg á Essen. Meistarar Wolfsburg byrja því á góðum sigri.

Berglind Björg kom einnig inn af bekknum í 4-0 sigri PSG. Voru þetta hennar fyrstu mínútur fyrir félagið en það hefur unnið báða leiki sína í deildinni til þessa.

Þá vann Inter 6-1 sigur á Pomigliano í Serie A, ítölsku úrvalsdeild kvenna í fótbolta. Anna Björk stóð vaktina í hjarta varnarinnar hjá Inter.

Fótbolti Norski boltinn Franski boltinn Þýski boltinn

Mest lesið


Fleiri fréttir

Sjá meira


×

Mest lesið