Tveir unnu fimm milljónir á sama miðanúmeri

Bjarki Sigurðsson skrifar 10. ágúst 2022 23:08

Tveir einstaklingar með sama miðanúmer fá fimm milljónir hvor. Vísir/Vilhelm

Tveir einstaklingar með sama miðanúmer unnu fimm milljónir hvor í ágústútdrætti Happdrættis Háskóla Íslands (HHÍ). Allt að fjórir geta átt miða með sama miðanúmeri.

Aðalútdráttur HHÍ virkar þannig að þú kaupir miða með númeri og bókstaf. Hvert númer getur verið með einum af fjórum bókstöfunum E, F, G, og H. Þá er hægt að kaupa trompmiða sem er einkenndur með bókstafnum B en þá eignastu alla fimm bókstafi númersins.

Þegar númer er dregið fá allir þeir sem eiga miða á því númeri vinninginn. Í þessu tilviki áttu tveir einstaklingar bókstaf á sama númeri og fá því báðir fimm milljónir króna. Hefði annar þeirra keypt miðann sem trompmiða hefði hann unnið 25 milljónir króna.

Í útdrættinum sem fram fór í kvöld hlutu fleiri miðaeigendur vinning og má þar helst nefna sjö sem fengu eina milljón króna hver og tólf sem fengu hálfa milljón króna hver. Næsti útdráttur fer fram 13. september næstkomandi.

Fjárhættuspil

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.