Einkunnir Íslands: Þórir Jóhann og Hákon stóðu upp úr Íþróttadeild Vísis skrifar 13. júní 2022 21:03 Þórir Jóhann Helgason átti flottan leik og skoraði annað mark Íslands. Vísir/Hulda Margrét Leikmenn íslenska landsliðsins áttu misgóðan dag er liðið gerði 2-2 jafntefli við Ísrael öðru sinni í Þjóðadeild karla í fótbolta í kvöld. Ísland er með þrjú stig eftir þrjá leiki í riðlinum. Jón Dagur Þorsteinsson og Þórir Jóhann Helgason skoruðu mörk Íslands sem komst tvisvar yfir í leiknum. Daníel Leó Grétarsson varð fyrir því óláni að skora sjálfsmark í fyrri hálfleik og þá jafnaði Ísrael með umdeildu marki þar sem myndbandsdómarar sögðu að Rúnar Alex Rúnarsson hefðu varið boltann innan marklínunnar. Ísland er með þrjú stig í öðru sæti riðilsins eftir þrjá leiki en Ísrael er með fimm stig á toppnum. Albanía hefur leikið tvo leiki og er með eitt stig. Einkunnagjöf leikmanna íslenska landsliðsins má sjá að neðan. Rúnar Alex Rúnarsson, markvörður: 7 Sinnti flestöllu sínu vel. Gat lítið við mörkum Ísraela gert, og gerði raunar allt sem hann gat til að koma í veg fyrir það síðara. Myndbandsdómarar einfaldlega tóku þá vörslu af honum. Alfons Sampsted, hægri bakvörður: 5 Átti í töluverðum vandræðum með að eiga við Manor Solomon. Sérstaklega átti hann erfitt uppdráttar gegn honum í síðari hálfleiknum. Daníel Leó Grétarsson, miðvörður: 6 Var óheppinn að skora sjálfsmark en gerði annars fátt af sér. Öflugur í loftinu og var sterkur gegn Dabbur í fyrri hálfleiknum sérstaklega. Hörður Björgvin Magnússon, miðvörður: 6 Frábær sending í aðdraganda seinna marksins og óheppinn að skora ekki úr aukaspyrnu sem small í slánni undir lok fyrri hálfleiks. Koma alltaf augnablik þar sem manni finnst vanta upp á öryggið varnarlega. Davíð Kristján Ólafsson, vinstri bakvörður: 4,5 Mikið sótt á hann í fyrri hálfleiknum þar sem hvert færið rak annað. Átti erfitt með að eiga við Abada á kantinum og sjálfsmarkið kemur eftir sókn upp hægri kantinn. Birkir Bjarnason, miðjumaður: 5 Kom lítið út úr honum sóknarlega en gefur liðinu ró og öryggi. Var sprunginn í seinni og kippt út af. Hákon Arnar Haraldsson, miðjumaður: 7 Sýndi lipra takta á köflum og ljóst að mikið er í hann spunnið. Sinnti pressunni vel og vann boltann tvisvar, þrisvar á vallarhelmingi Ísrael. Hefði átt að fá stoðsendingu í færi Arnórs Sigurðssonar í fyrri hálfleik. Þórir Jóhann Helgason, miðjumaður: 7 (Maður leiksins) Skoraði annað mark Íslands og sitt annað mark í riðlinum með laglegri innanfótarspyrnu. Átti fínasta leik á miðsvæðinu og ekki hægt að kvarta mikið undan hans frammistöðu. Arnór Sigurðsson, hægri kantmaður: 6 Átti ágætis spretti en var minna áberandi en gegn Albaníu fyrir viku. Hefði átt að gera betur í algjöru dauðafæri á 23. mínútu þar sem hann hafði tækifæri til að koma Íslandi 2-0 yfir og gera þetta að allt öðrum leik. Jón Dagur Þorsteinsson, vinstri kantmaður: 7 Fínir sprettir líkt og félagi sinn á hægri kantinum og skorar laglegt skallamark. Dró aðeins af honum eftir því sem leið á. Andri Lucas Guðjohnsen, framherji: 5,5 Barðist og þjösnaðist og vann einhverja skallabolta. Átti hörkuskottilraun snemma í síðari hálfleik en gekk illa að finna markið. Ísak Bergmann Jóhannesson kom inn á fyrir Arnór Sigurðsson á 61. mínútu: 5 Ágætis taktar inn á milli og linkaði fínt í spili. Breytti ekki leiknum. Sveinn Aron Guðjohnsen kom inn á fyrir Andra Lucas Guðjohnsen á 61. mínútu: 5 Kom sér í færi og stöður en var mislagðar fætur þegar í færin var komið. Aron Elís Þrándarson kom inn á fyrir Birki Bjarnason á 79. mínútu: - Spilaði ekki nóg til að fá einkunn. Stefán Teitur Þórðarson kom inn á fyrir Jón Dag Þorsteinsson á 79. mínútu: - Spilaði ekki nóg til að fá einkunn. Albert Guðmundsson kom inn á fyrir Þóri Jóhann Helgason á 90. mínútu: - Spilaði ekki nóg til að fá einkunn. Þjóðadeild UEFA Landslið karla í fótbolta Mest lesið „Ég sakna hennar á hverjum degi“ Handbolti Bakgarðshlaupið í beinni útsendingu Sport „Hún er með hjartagalla en í góðum höndum núna og vonandi fer allt vel“ Íslenski boltinn Uppgjörið: FH - Vestri 3-2 | FH kom til baka og vann fjórða leikinn í röð Íslenski boltinn Í beinni: Keflavík - Grindavík | Geta Keflvíkingar bitið frá sér án Remy? Körfubolti DeAndre Kane sleppur við bann og spilar í kvöld Körfubolti „Þetta er ekki boðlegt finnst mér“ Körfubolti HSÍ lengir bann Einars: „Framganga þjálfarans var mjög ógnandi og ódrengileg“ Handbolti Skoraði fernu og Englandsmeistararnir halda í við Skytturnar Enski boltinn Andrea á batavegi: „Gott fyrir alla að sjá hana brosandi“ Íslenski boltinn Fleiri fréttir Girona í fyrsta sinn í Meistaradeild Evrópu og tryggði Real í leiðinni titilinn Skoraði fernu og Englandsmeistararnir halda í við Skytturnar „Lítur ekki vel út með Elmar, ég er hræddur um að þetta sé svipað og hjá Eiði“ Real Madrid náði fjórtán stiga forskoti á toppnum Kane skoraði en Bayern tapaði Newcastle fór illa með Jóa Berg og félaga á Turf Moor Uppgjörið: FH - Vestri 3-2 | FH kom til baka og vann fjórða leikinn í röð Eyjamenn byrja fótboltasumarið ekki vel Kristín Dís og Þórdís fögnuðu sigri en það gekk illa hjá Halmstad strákunum Diljá og félagar töpuðu toppslagnum á heimavelli Arsenal menn kláruðu sitt og nú er pressan á Man. City Ipswich Town aftur upp í ensku úrvalsdeildina eftir 22 ára fjarveru Þórir bæði með mark og stoðsendingu Andrea á batavegi: „Gott fyrir alla að sjá hana brosandi“ Glódís Perla þýskur meistari annað árið í röð Arteta segir að Gabriel Jesus sé ekki á förum í sumar Með sjö í þremur: „Kannski margir sem afskrifa mann en mér finnst ég eiga nóg eftir“ Clattenburg hættur og segist hafa verið skotmark sérfræðinga Óvænt úrslit í fyrstu umferð Lengjudeildarinnar „Hún er með hjartagalla en í góðum höndum núna og vonandi fer allt vel“ „Ég er spennt að fara heim að sofa“ Luton mistókst að koma sér úr fallsæti „Við vissum að við þyrftum að þjást“ Uppgjör, viðtöl og myndir: Breiðablik - FH 3-0 | Blikar héldu uppteknum hætti Uppgjörið: Stjarnan - Tindastóll 0-2 | Fyrstu mörkin og fyrsti sigurinn hjá Stólunum Sveindís sneri aftur í stórsigri Wolfsburg Ísak skoraði og Dusseldorf enn í baráttunni um sæti í efstu deild Sala drykkjarins í hæstu hæðum eftir myndirnar af Haaland Klopp ósáttur við álagið: „Hádegisleikir eru glæpur“ Sveindís mætt aftur í leikmannahóp Wolfsburg eftir meiðsli Sjá meira
Jón Dagur Þorsteinsson og Þórir Jóhann Helgason skoruðu mörk Íslands sem komst tvisvar yfir í leiknum. Daníel Leó Grétarsson varð fyrir því óláni að skora sjálfsmark í fyrri hálfleik og þá jafnaði Ísrael með umdeildu marki þar sem myndbandsdómarar sögðu að Rúnar Alex Rúnarsson hefðu varið boltann innan marklínunnar. Ísland er með þrjú stig í öðru sæti riðilsins eftir þrjá leiki en Ísrael er með fimm stig á toppnum. Albanía hefur leikið tvo leiki og er með eitt stig. Einkunnagjöf leikmanna íslenska landsliðsins má sjá að neðan. Rúnar Alex Rúnarsson, markvörður: 7 Sinnti flestöllu sínu vel. Gat lítið við mörkum Ísraela gert, og gerði raunar allt sem hann gat til að koma í veg fyrir það síðara. Myndbandsdómarar einfaldlega tóku þá vörslu af honum. Alfons Sampsted, hægri bakvörður: 5 Átti í töluverðum vandræðum með að eiga við Manor Solomon. Sérstaklega átti hann erfitt uppdráttar gegn honum í síðari hálfleiknum. Daníel Leó Grétarsson, miðvörður: 6 Var óheppinn að skora sjálfsmark en gerði annars fátt af sér. Öflugur í loftinu og var sterkur gegn Dabbur í fyrri hálfleiknum sérstaklega. Hörður Björgvin Magnússon, miðvörður: 6 Frábær sending í aðdraganda seinna marksins og óheppinn að skora ekki úr aukaspyrnu sem small í slánni undir lok fyrri hálfleiks. Koma alltaf augnablik þar sem manni finnst vanta upp á öryggið varnarlega. Davíð Kristján Ólafsson, vinstri bakvörður: 4,5 Mikið sótt á hann í fyrri hálfleiknum þar sem hvert færið rak annað. Átti erfitt með að eiga við Abada á kantinum og sjálfsmarkið kemur eftir sókn upp hægri kantinn. Birkir Bjarnason, miðjumaður: 5 Kom lítið út úr honum sóknarlega en gefur liðinu ró og öryggi. Var sprunginn í seinni og kippt út af. Hákon Arnar Haraldsson, miðjumaður: 7 Sýndi lipra takta á köflum og ljóst að mikið er í hann spunnið. Sinnti pressunni vel og vann boltann tvisvar, þrisvar á vallarhelmingi Ísrael. Hefði átt að fá stoðsendingu í færi Arnórs Sigurðssonar í fyrri hálfleik. Þórir Jóhann Helgason, miðjumaður: 7 (Maður leiksins) Skoraði annað mark Íslands og sitt annað mark í riðlinum með laglegri innanfótarspyrnu. Átti fínasta leik á miðsvæðinu og ekki hægt að kvarta mikið undan hans frammistöðu. Arnór Sigurðsson, hægri kantmaður: 6 Átti ágætis spretti en var minna áberandi en gegn Albaníu fyrir viku. Hefði átt að gera betur í algjöru dauðafæri á 23. mínútu þar sem hann hafði tækifæri til að koma Íslandi 2-0 yfir og gera þetta að allt öðrum leik. Jón Dagur Þorsteinsson, vinstri kantmaður: 7 Fínir sprettir líkt og félagi sinn á hægri kantinum og skorar laglegt skallamark. Dró aðeins af honum eftir því sem leið á. Andri Lucas Guðjohnsen, framherji: 5,5 Barðist og þjösnaðist og vann einhverja skallabolta. Átti hörkuskottilraun snemma í síðari hálfleik en gekk illa að finna markið. Ísak Bergmann Jóhannesson kom inn á fyrir Arnór Sigurðsson á 61. mínútu: 5 Ágætis taktar inn á milli og linkaði fínt í spili. Breytti ekki leiknum. Sveinn Aron Guðjohnsen kom inn á fyrir Andra Lucas Guðjohnsen á 61. mínútu: 5 Kom sér í færi og stöður en var mislagðar fætur þegar í færin var komið. Aron Elís Þrándarson kom inn á fyrir Birki Bjarnason á 79. mínútu: - Spilaði ekki nóg til að fá einkunn. Stefán Teitur Þórðarson kom inn á fyrir Jón Dag Þorsteinsson á 79. mínútu: - Spilaði ekki nóg til að fá einkunn. Albert Guðmundsson kom inn á fyrir Þóri Jóhann Helgason á 90. mínútu: - Spilaði ekki nóg til að fá einkunn.
Þjóðadeild UEFA Landslið karla í fótbolta Mest lesið „Ég sakna hennar á hverjum degi“ Handbolti Bakgarðshlaupið í beinni útsendingu Sport „Hún er með hjartagalla en í góðum höndum núna og vonandi fer allt vel“ Íslenski boltinn Uppgjörið: FH - Vestri 3-2 | FH kom til baka og vann fjórða leikinn í röð Íslenski boltinn Í beinni: Keflavík - Grindavík | Geta Keflvíkingar bitið frá sér án Remy? Körfubolti DeAndre Kane sleppur við bann og spilar í kvöld Körfubolti „Þetta er ekki boðlegt finnst mér“ Körfubolti HSÍ lengir bann Einars: „Framganga þjálfarans var mjög ógnandi og ódrengileg“ Handbolti Skoraði fernu og Englandsmeistararnir halda í við Skytturnar Enski boltinn Andrea á batavegi: „Gott fyrir alla að sjá hana brosandi“ Íslenski boltinn Fleiri fréttir Girona í fyrsta sinn í Meistaradeild Evrópu og tryggði Real í leiðinni titilinn Skoraði fernu og Englandsmeistararnir halda í við Skytturnar „Lítur ekki vel út með Elmar, ég er hræddur um að þetta sé svipað og hjá Eiði“ Real Madrid náði fjórtán stiga forskoti á toppnum Kane skoraði en Bayern tapaði Newcastle fór illa með Jóa Berg og félaga á Turf Moor Uppgjörið: FH - Vestri 3-2 | FH kom til baka og vann fjórða leikinn í röð Eyjamenn byrja fótboltasumarið ekki vel Kristín Dís og Þórdís fögnuðu sigri en það gekk illa hjá Halmstad strákunum Diljá og félagar töpuðu toppslagnum á heimavelli Arsenal menn kláruðu sitt og nú er pressan á Man. City Ipswich Town aftur upp í ensku úrvalsdeildina eftir 22 ára fjarveru Þórir bæði með mark og stoðsendingu Andrea á batavegi: „Gott fyrir alla að sjá hana brosandi“ Glódís Perla þýskur meistari annað árið í röð Arteta segir að Gabriel Jesus sé ekki á förum í sumar Með sjö í þremur: „Kannski margir sem afskrifa mann en mér finnst ég eiga nóg eftir“ Clattenburg hættur og segist hafa verið skotmark sérfræðinga Óvænt úrslit í fyrstu umferð Lengjudeildarinnar „Hún er með hjartagalla en í góðum höndum núna og vonandi fer allt vel“ „Ég er spennt að fara heim að sofa“ Luton mistókst að koma sér úr fallsæti „Við vissum að við þyrftum að þjást“ Uppgjör, viðtöl og myndir: Breiðablik - FH 3-0 | Blikar héldu uppteknum hætti Uppgjörið: Stjarnan - Tindastóll 0-2 | Fyrstu mörkin og fyrsti sigurinn hjá Stólunum Sveindís sneri aftur í stórsigri Wolfsburg Ísak skoraði og Dusseldorf enn í baráttunni um sæti í efstu deild Sala drykkjarins í hæstu hæðum eftir myndirnar af Haaland Klopp ósáttur við álagið: „Hádegisleikir eru glæpur“ Sveindís mætt aftur í leikmannahóp Wolfsburg eftir meiðsli Sjá meira