Lyon verður franskur meistari ef liðið nær að næla sér í stig í þessum leik en liðið vann á dögunum Meistaradeild Evrópu. 

Sara Björk er á förum frá franska stórveldinu í sumar en hún hefur greint frá óánægju sinni með skort á stuðningi frá forráðamönnum Lyon á meðan hún var barnshafandi. 

Fyrsta barn hennar og Árna Vilhjálmssonar fæddist í nóvember og Sara Björk snéri aftur inn á fótboltavöllinn í mars fyrr á þessu ári. 

Líklegt er að sú staðreynd að Sara Björk sé að yfirgefa Lyon eftir keppnistímabilið sem er að ljúka hafi áhrif á liðsvalið í stórleiknum í kvöld.