„Man ekki eftir að hafa spilað við Hauka og fengið fleiri villur en þær“

„Baráttan stóð upp úr. Við tókum mikið af sóknarfráköstum og það var baráttan sem vó þungt fannst mér og ég man ekki eftir að hafa spilað við Hauka áður þar sem við fáum fleiri villur heldur en þær. Við lögðum okkur fram og vorum ákveðnar.“

„Við höfum alveg átt leiki þar sem við höfum gert vel í fráköstum eins og gegn Keflavík fyrir ekki svo löngu síðan. Við erum með ágætis hæð í bakvörðunum okkar og það var vinnsla í þessu,“

Aðspurður út í þriðja leikhluta Njarðvíkur þar sem liðið gerði 35 stig sagði Einar að boltahreyfing liðsins hafi verið góð.

„Við hlupum gólfið vel og skutum boltanum vel. Þetta sást á stoðsendingunum þar sem við vorum með sjö stoðsendingar í fyrri hálfleik og við tvöfölduðum það í þriðja leikhluta. Þetta var virkilega flott frammistaða á báðum endum vallarins.“

Í stöðunni 75-86 tók Einar Árni leikhlé þegar tæplega þrjár mínútur voru eftir. Þetta leikhlé nýttist Haukum betur sem gerðu tíu stig í röð en Einar var ekki sammála um að það hafi verið mistök að taka leikhlé.

„Við vorum að horfa í það að Brittany og Danielle höfðu ekki fengið hvíld í fjórða leikhluta. Við vorum sammála því að við ætluðum ekki að brenna leikhlé og við vildum taka leikhlé þegar það voru 2-4 mínútur eftir. Það var værukærð í okkur í fyrstu tveimur sóknum Hauka eftir leikhléið en það kom ekki að sök og við erum kát,“ sagði Einar Árni að lokum.