Lífið

Írafár frumflytur nýtt lag: „Við erum sveittir að reyna að læra lögin sem við höfum ekki spilað síðan 2002“

Elísabet Hanna skrifar
visir-img
Foto: Hulda Margrét Óladóttir/Hulda Margrét

Írafár var að gefa út nýtt lag, rétt fyrir afmælistónleika plötunnar Allt sem ég sé sem fara fram í Eldborg í lok mánaðarins. Lagið heitir Á nýjum stað og byrjaði í vinnslu fyrir fjórum árum.

Tónleikarnir verða haldnir í tilefni þess að tuttugu ár eru síðan platan Allt sem ég sé kom út sem var fyrsta plata hljómsveitarinnar. Fjögur ár eru síðan Írafár kom saman í Eldborgarsal Hörpu í tilefni af tuttugu ára afmæli sveitarinnar en þá voru þau að spila saman í fyrsta skipti í þrettán ár. 

Sigurður Rúnar Samúelsson og Vignir Snær Vigfússon úr Írafár kíktu á Ívar Guðmundsson á Bylgjunni til þess að frumflytja nýja lagið og aðspurðir um ferlið við það að semja lög sagði Vignir:

„Þetta er allt í símanum bara í dag, mjög mjög vond demó af manni einhversstaðar í sófanum heima sönglandi í símann.“

Grunnurinn af nýja laginu var upphaflega lagður fyrir fjórum árum þegar hljómsveitin samdi og gaf út lagið Þú vilt mig aftur. Hljómsveitin er í óðaönn að undirbúa sig fyrir tónleikana. Sum lögin á plötunni hafa verið í reglulegri spilun hjá hljómsveitinni í gegnum árin á meðan önnur hafa setið á hakanum.

„Við erum sveittir að reyna að læra lögin sem við höfum ekki spilað síðan 2002“

bætir Vignir við sem er að rifja gömlu góðu lögin fyrir tónleikana.

Viðtalið og lagið má heyra í heild sinni hér að neðan en lagið hefst á mínútu 05:55:


Tengdar fréttir

Baráttan um miðana níu hundruð hefst klukkan tíu

Telja má líklegt að einhverjir hristi hausinn um hádegisbil á morgun þegar þeir átta sig á því að miðasölu á Bræðsluna 2022 er lokið. 900 miðar eru í boði á hátíðina og í ljósi reynslunnar má reikna með að miðarnir rjúki út á augabragði. Þeir sem sofa á verðinum gætu því misst af miðum enda uppsöfnuð þrá landsmanna og ferðamanna eftir tónleikastemmningu eftir faraldurinn.

Hetjur PoppTíví kynslóðarinnar

Það voru fataskipti og gítarsóló og trommusóló, danssporin hennar Birgittu og þrettán ár af spennu aðdáenda sem fengu útrás í hrópum eins og "Ég elska þig Birgitta!“ og "Viggi þú ert bestur!“




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.