Rúnar og félagar upp um þrjú sæti eftir endurkomusigur

Gestirnir í Cercle Brugge komust yfir eftir rúmlega hálftíma leik áður en Mathieu Maertens jafnaði metin fyrir Leuven á 40. mínútu.

Gestirnir tóku þó forystuna á ný þremur mínútum síðar og staðan var því 2-1 þegar flautað var til hálfleiks.

Sory Kaba jafnaði metin fyrir Rúnar og félaga á 63. mínútu áður en Mousa Al-Tamari tryggði liðinu 3-2 sigur fjórum mínútum síðar.

OH Leuven lyfti sér úr ellefta sæti deildarinnar og upp í það áttunda með sigrinum, en liðið hefur fengið 36 stig eftir 26 leiki. Cercle Brugge er eitt af liðunum sem Rúnar og félagar hoppuðu yfir, en liðið situr nú í tíunda sæti.