Offramboð á sóknarþenkjandi mönnum í Víkinni Runólfur Trausti Þórhallsson skrifar 12. febrúar 2022 09:00 Víkingar eru ekki á flæðiskeri staddir þegar kemur að sóknarsinnuðum leikmönnum. Vísir/Hulda Margrét Einhverstaðar stendur „sókn er besta vörnin“ og það virðist sem nokkur lið í efstu deild karla í knattspyrnu stefni á að fara eftir þeirri hugmyndafræði í sumar. Íslandsmeistarar Víkings eru þar á meðal. Þó enn sé töluvert í að knattspyrnusumarið hér á landi fari af stað þá er aldrei of snemmt að spá í spilin. Eftir að hafa orðið Íslands- og bikarmeistarar síðasta haust hafa Víkingar ákveðið að blása í herlúðrana og stefna á að keyra mótherja sína í kaf á komandi tímabili, allavega ef tekið er mið af fjölda sóknarþenkjandi leikmanna hjá félaginu. Það er ekki eins og Víkingar hafi verið á flæðiskeri staddir þegar kom að fjölda leikmanna sem líður best á vallarhelmingi andstæðinganna síðasta sumar. Kristall Máni Ingason var færður framar á völlinn og blómstraði. Erlingur Agnarsson vaknaði heldur betur til lífsins, Nikolaj Hansen var allt í einu orðinn besti framherji landsins og Pablo Punyed var eins og herforingi á miðri miðju Víkingsliðsins. Þó Kwame Quee sé samningslaus og Halldór Jón Sigurður Þórðarson sé farinn til ÍBV eru Víkingar enn með þá Helga Guðjónsson, Loga Tómasson, Adam Ægi Pálsson og Axel Frey Harðarson í sínum röðum. Helgi Guðjónsson skoraði nokkur mikilvæg mörk á síðustu leiktíð.Vísir/Hulda Margrét Þrátt fyrir allan þennan mannskap skoraði Víkingur „aðeins“ 38 mörk í 22 deildarleikjum sumarið 2021. Það gerir 1,7 mark að meðaltali í leik. Mest skoruðu Víkingar þrjú mörk í leik en það gerðist alls fimm sinnum. Aðeins Breiðablik skoraði fleiri mörk en Víkingur síðasta sumar en Arnar Gunnlaugsson hefur samt ákveðið að auka sóknarþunga liðsins og hefur að undanförnu sótt hvern sóknarþenkjandi leikmanninn á fætur öðrum. Davíð Örn Atlason er kominn aftur heim í Fossvoginn eftir stutta dvöl í Kópavogi. Birnir Snær Ingason kom úr efri byggðum Kópavogs, Arnór Borg Guðjohnsen kom frá Fylki og þá var Ari Sigurpálsson sóttur alla leið til Ítalíu. Miðvörðurinn Kyle Douglas McLagan slysaðist í Víkina en hann kemur frá Fram. Að honum undanskyldum hafa Víkingar aðeins sótt sóknarsinnaða leikmenn frá því að liðið tryggði sér tvöfaldan sigur síðasta sumar. Ofan á allt þetta þá var færeyski vængmaðurinn Kaj Leo í Bartalsstovu á reynslu hjá Víkingum á dögunum. Elvar Geir Magnússon, ritstjóri Fótbolti.net, telur að Víkingar gætu þrátt fyrir allt samið við leikmanninn. Ef það fer svo yrði Víkingur hans fjórða lið hér á landi en Kaj Leo hefur leikið með FH, ÍBV og Val undanfarin ár. Það verður að teljast líklegt að allavega einn af áðurnefndum leikmönnum Víkingsliðsins hverfi á braut áður en Íslandsmótið hefst. Axel Freyr er líklegastur en hann lék með Kórdrengjum í Lengjudeildinni síðari hluta tímabilsins 2021. Þá verður að teljast líklegt að fleiri leikmenn yfirgefi liðið en Axel Freyr var til að mynda á láni hjá Kórdrengjum síðari hluta síðasta sumar. Ómögulegt að stilla upp líklegu byrjunarliði Víkingur varð bikarmeistari í þriðja sinn í sögu félagsins síðasta sumar.Vísir/Vilhelm Erfitt er að setja fingurinn á líklegt byrjunarlið Víkings í sumar en ef við horfum á leikmannahóp liðsins má reikna með að Ari Sigurpálsson berjist við Helga Guðjónsson og að sjálfsögðu Nikolaj Hansen um stöðu fremsta manns. Að því sögðu getur Arnór Borg einnig spilað þar og verður forvitnilegt að sjá hvort einhver grípi tækifærið ef Hansen verður ekki jafn heitur og síðasta sumar. Það verður erfitt fyrir Arnar að bekkja Kristal Mána, Pablo eða Erling en Birnir Snær er ekki mættur í Víkina til að sitja á bekknum. Logi Tómasson mun að öllum líkindum fá fleiri mínútur í vinstri bakverði þar sem Atli Barkarson er farinn í atvinnumennsku til Danmerkur. Ef Kaj Leo semur þá er ljóst að samkeppnin um stöður verður gríðarleg. Júlíus er nýr fyrirliði Víkinga.Vísir/Bára Dröfn Hvað varðar aðrar stöður á vellinum þá gæti verið að Pablo færi sig neðar á völlinn og verði í baráttunni við Júlíus Magnússon, fyrirliða liðsins, og Viktor Örlyg Andrason á miðri miðjunni. Ef við færum okkur enn aftar á völlinn er Víkingsliðið orðið heldur fáliðað. Logi er sem stendur eini örvfætti bakvörður liðsins. Halldór Smári Sigurðsson og Kyle McLagan verða að öllum líkindum í miðvarðarstöðunum og Tómas Guðmundsson þeim til halds og trausts. Sagan segir þó að Arnar Gunnlaugsson sé að leita að miðverði til að styrkja varnarlínu liðsins enn frekar. Ef Davíð Örn er heill heilsu mun hann berjast við Karl Friðleif Gunnarsson um stöðu hægri bakvarðar og að lokum mun Ingvar Jónsson eða Þórður Ingason standa í marki liðsins. Hér að neðan má sjá líklegt byrjunarlið Víkings eins og staðan er í dag en það gæti margt breyst áður en Íslandsmótið hefst. Líklegt byrjunarlið Víkings sumarið 2022. Fótbolti Íslenski boltinn Pepsi Max-deild karla Víkingur Reykjavík Mest lesið Barcelona þarf tæplega tuttugu milljarða fyrir lok júnímánaðar Fótbolti Tiger og McIlroy hunsuðu hvorn annan Golf NFL tekur ekki undir umdeild ummæli Butker Sport McIlroy í baráttunni þrátt fyrir yfirvonandi skilnað Golf Uppgjörið og viðtöl: Keflavík - Njarðvík 94-91 | Tvíframlengdur spennutryllir Körfubolti „Frábært að ná sigri í fyrsta leik og í svona svakalegum leik“ Körfubolti „Ég táraðist smá“ Sport Uppgjörið, viðtöl og myndir: Valur - Haukar 28-25 | Valskonur Íslandsmeistarar Handbolti „Svíður mjög mikið að við séum ekki nógu klókar til að klára“ Körfubolti Dagskráin í dag: PGA-meistaramótið í golfi, úrslit í körfu karla og margt fleira Sport Fleiri fréttir Bikarmeistarar Víkings í næstu umferð ásamt Keflavík og Fylkir Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Margrét Lára: Mér finnst hún hafa verið stórkostleg „Sá að þeim leið aldrei illa“ Uppgjörið og viðtöl: Fylkir - Breiðablik 0-2 | Blikar enn með fullt hús Uppgjörið: Þróttur - Víkingur 0-1 | Þróttarar enn án sigurs Illa orðað samningsákvæði varð KA að falli Albert gáttaður á Lárusi Orra: „Hvað meinarðu? Hvað er í gangi hérna?“ „Þegar við skorum að þá er gaman“ „Þetta var eins og handboltaleikur“ „Fórum af bensíngjöfinni í staðin fyrir að gefa í” Uppgjör og viðtöl: Stjarnan - FH 4-3 | Markasúpa í Garðabænum Uppgjör og viðtöl: Þór/KA - Keflavík 4-0 | Heimakonur ekki í vandræðum Uppgjör, viðtöl og myndir: Valur - Tindastóll 3-1 | Meistararnir lentu undir en komu til baka KA dæmt til að greiða Arnari tæpar ellefu milljónir Heiðruðu mömmur leikmanna á sérstakan hátt „Ef KR-ingar vita að Óskar sé til í að koma, skiptir einhverju máli hvað Gregg gerir?“ „Búinn að vera tilfinningarússibani“ „Til skammar að koma úr atvinnumennsku eins og hann er að koma“ Sjáðu rauðu spjöld KR-inga, mark beint úr horni og öll hin mörkin í gær „Það er eitt að vera góður og annað að fá eitthvað fyrir það“ Uppgjörið og viðtöl: Víkingur R. - FH 2-0 | FH fatast flugið en Víkingur aftur á beinu brautinni Uppgjör: Fylkir - Breiðablik 0-3 | Öruggur sigur Blika á lánlausum Fylkismönnum Uppgjör: KR-HK 1-2 | Frækinn sigur HK á Meistaravöllum Meiðslavandræði Vestra virðast engan enda ætla að taka Patrick til bjargar eftir klúður Gylfa og klaufamörk á Akranesi Uppgjörið: Valur - KA 3-1 | Vítaklúður Gylfa kom ekki að sök Uppgjörið: ÍA - Vestri 3-0 | Öruggt hjá ÍA í slag nýliðanna Sjáðu frábært spil skila tveimur mörkum í Garðabæ „Við erum helvíti seigir“ Sjá meira
Þó enn sé töluvert í að knattspyrnusumarið hér á landi fari af stað þá er aldrei of snemmt að spá í spilin. Eftir að hafa orðið Íslands- og bikarmeistarar síðasta haust hafa Víkingar ákveðið að blása í herlúðrana og stefna á að keyra mótherja sína í kaf á komandi tímabili, allavega ef tekið er mið af fjölda sóknarþenkjandi leikmanna hjá félaginu. Það er ekki eins og Víkingar hafi verið á flæðiskeri staddir þegar kom að fjölda leikmanna sem líður best á vallarhelmingi andstæðinganna síðasta sumar. Kristall Máni Ingason var færður framar á völlinn og blómstraði. Erlingur Agnarsson vaknaði heldur betur til lífsins, Nikolaj Hansen var allt í einu orðinn besti framherji landsins og Pablo Punyed var eins og herforingi á miðri miðju Víkingsliðsins. Þó Kwame Quee sé samningslaus og Halldór Jón Sigurður Þórðarson sé farinn til ÍBV eru Víkingar enn með þá Helga Guðjónsson, Loga Tómasson, Adam Ægi Pálsson og Axel Frey Harðarson í sínum röðum. Helgi Guðjónsson skoraði nokkur mikilvæg mörk á síðustu leiktíð.Vísir/Hulda Margrét Þrátt fyrir allan þennan mannskap skoraði Víkingur „aðeins“ 38 mörk í 22 deildarleikjum sumarið 2021. Það gerir 1,7 mark að meðaltali í leik. Mest skoruðu Víkingar þrjú mörk í leik en það gerðist alls fimm sinnum. Aðeins Breiðablik skoraði fleiri mörk en Víkingur síðasta sumar en Arnar Gunnlaugsson hefur samt ákveðið að auka sóknarþunga liðsins og hefur að undanförnu sótt hvern sóknarþenkjandi leikmanninn á fætur öðrum. Davíð Örn Atlason er kominn aftur heim í Fossvoginn eftir stutta dvöl í Kópavogi. Birnir Snær Ingason kom úr efri byggðum Kópavogs, Arnór Borg Guðjohnsen kom frá Fylki og þá var Ari Sigurpálsson sóttur alla leið til Ítalíu. Miðvörðurinn Kyle Douglas McLagan slysaðist í Víkina en hann kemur frá Fram. Að honum undanskyldum hafa Víkingar aðeins sótt sóknarsinnaða leikmenn frá því að liðið tryggði sér tvöfaldan sigur síðasta sumar. Ofan á allt þetta þá var færeyski vængmaðurinn Kaj Leo í Bartalsstovu á reynslu hjá Víkingum á dögunum. Elvar Geir Magnússon, ritstjóri Fótbolti.net, telur að Víkingar gætu þrátt fyrir allt samið við leikmanninn. Ef það fer svo yrði Víkingur hans fjórða lið hér á landi en Kaj Leo hefur leikið með FH, ÍBV og Val undanfarin ár. Það verður að teljast líklegt að allavega einn af áðurnefndum leikmönnum Víkingsliðsins hverfi á braut áður en Íslandsmótið hefst. Axel Freyr er líklegastur en hann lék með Kórdrengjum í Lengjudeildinni síðari hluta tímabilsins 2021. Þá verður að teljast líklegt að fleiri leikmenn yfirgefi liðið en Axel Freyr var til að mynda á láni hjá Kórdrengjum síðari hluta síðasta sumar. Ómögulegt að stilla upp líklegu byrjunarliði Víkingur varð bikarmeistari í þriðja sinn í sögu félagsins síðasta sumar.Vísir/Vilhelm Erfitt er að setja fingurinn á líklegt byrjunarlið Víkings í sumar en ef við horfum á leikmannahóp liðsins má reikna með að Ari Sigurpálsson berjist við Helga Guðjónsson og að sjálfsögðu Nikolaj Hansen um stöðu fremsta manns. Að því sögðu getur Arnór Borg einnig spilað þar og verður forvitnilegt að sjá hvort einhver grípi tækifærið ef Hansen verður ekki jafn heitur og síðasta sumar. Það verður erfitt fyrir Arnar að bekkja Kristal Mána, Pablo eða Erling en Birnir Snær er ekki mættur í Víkina til að sitja á bekknum. Logi Tómasson mun að öllum líkindum fá fleiri mínútur í vinstri bakverði þar sem Atli Barkarson er farinn í atvinnumennsku til Danmerkur. Ef Kaj Leo semur þá er ljóst að samkeppnin um stöður verður gríðarleg. Júlíus er nýr fyrirliði Víkinga.Vísir/Bára Dröfn Hvað varðar aðrar stöður á vellinum þá gæti verið að Pablo færi sig neðar á völlinn og verði í baráttunni við Júlíus Magnússon, fyrirliða liðsins, og Viktor Örlyg Andrason á miðri miðjunni. Ef við færum okkur enn aftar á völlinn er Víkingsliðið orðið heldur fáliðað. Logi er sem stendur eini örvfætti bakvörður liðsins. Halldór Smári Sigurðsson og Kyle McLagan verða að öllum líkindum í miðvarðarstöðunum og Tómas Guðmundsson þeim til halds og trausts. Sagan segir þó að Arnar Gunnlaugsson sé að leita að miðverði til að styrkja varnarlínu liðsins enn frekar. Ef Davíð Örn er heill heilsu mun hann berjast við Karl Friðleif Gunnarsson um stöðu hægri bakvarðar og að lokum mun Ingvar Jónsson eða Þórður Ingason standa í marki liðsins. Hér að neðan má sjá líklegt byrjunarlið Víkings eins og staðan er í dag en það gæti margt breyst áður en Íslandsmótið hefst. Líklegt byrjunarlið Víkings sumarið 2022.
Fótbolti Íslenski boltinn Pepsi Max-deild karla Víkingur Reykjavík Mest lesið Barcelona þarf tæplega tuttugu milljarða fyrir lok júnímánaðar Fótbolti Tiger og McIlroy hunsuðu hvorn annan Golf NFL tekur ekki undir umdeild ummæli Butker Sport McIlroy í baráttunni þrátt fyrir yfirvonandi skilnað Golf Uppgjörið og viðtöl: Keflavík - Njarðvík 94-91 | Tvíframlengdur spennutryllir Körfubolti „Frábært að ná sigri í fyrsta leik og í svona svakalegum leik“ Körfubolti „Ég táraðist smá“ Sport Uppgjörið, viðtöl og myndir: Valur - Haukar 28-25 | Valskonur Íslandsmeistarar Handbolti „Svíður mjög mikið að við séum ekki nógu klókar til að klára“ Körfubolti Dagskráin í dag: PGA-meistaramótið í golfi, úrslit í körfu karla og margt fleira Sport Fleiri fréttir Bikarmeistarar Víkings í næstu umferð ásamt Keflavík og Fylkir Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Margrét Lára: Mér finnst hún hafa verið stórkostleg „Sá að þeim leið aldrei illa“ Uppgjörið og viðtöl: Fylkir - Breiðablik 0-2 | Blikar enn með fullt hús Uppgjörið: Þróttur - Víkingur 0-1 | Þróttarar enn án sigurs Illa orðað samningsákvæði varð KA að falli Albert gáttaður á Lárusi Orra: „Hvað meinarðu? Hvað er í gangi hérna?“ „Þegar við skorum að þá er gaman“ „Þetta var eins og handboltaleikur“ „Fórum af bensíngjöfinni í staðin fyrir að gefa í” Uppgjör og viðtöl: Stjarnan - FH 4-3 | Markasúpa í Garðabænum Uppgjör og viðtöl: Þór/KA - Keflavík 4-0 | Heimakonur ekki í vandræðum Uppgjör, viðtöl og myndir: Valur - Tindastóll 3-1 | Meistararnir lentu undir en komu til baka KA dæmt til að greiða Arnari tæpar ellefu milljónir Heiðruðu mömmur leikmanna á sérstakan hátt „Ef KR-ingar vita að Óskar sé til í að koma, skiptir einhverju máli hvað Gregg gerir?“ „Búinn að vera tilfinningarússibani“ „Til skammar að koma úr atvinnumennsku eins og hann er að koma“ Sjáðu rauðu spjöld KR-inga, mark beint úr horni og öll hin mörkin í gær „Það er eitt að vera góður og annað að fá eitthvað fyrir það“ Uppgjörið og viðtöl: Víkingur R. - FH 2-0 | FH fatast flugið en Víkingur aftur á beinu brautinni Uppgjör: Fylkir - Breiðablik 0-3 | Öruggur sigur Blika á lánlausum Fylkismönnum Uppgjör: KR-HK 1-2 | Frækinn sigur HK á Meistaravöllum Meiðslavandræði Vestra virðast engan enda ætla að taka Patrick til bjargar eftir klúður Gylfa og klaufamörk á Akranesi Uppgjörið: Valur - KA 3-1 | Vítaklúður Gylfa kom ekki að sök Uppgjörið: ÍA - Vestri 3-0 | Öruggt hjá ÍA í slag nýliðanna Sjáðu frábært spil skila tveimur mörkum í Garðabæ „Við erum helvíti seigir“ Sjá meira