Bandaríkjaþing samþykkir bráðabirgðalög og tryggja fjármögnun alríkisins fram í febrúar

Atli Ísleifsson skrifar 3. desember 2021 06:35

Þingmenn takast reglubundið á um hækkun svokallaðs skuldaþaks til að tryggja fjármögnun alríksins. AP/J. Scott Applewhite

Bandaríkjaþing samþykkti seint í gærkvöldi bráðabirgðafrumvarp sem felur í sér að hægt verður að fjármagna rekstur fjölda stofnana á vegum alríkisins til 18. febrúar næstkomandi.

Hætta var á að alríkisstofnunum, þar með talið fjölda garða og safna, yrði lokað yfir hátíðirnar og að ekki yrði hægt að greiða laun milljóna starfsmanna hins opinbera.

Harðar deilur hafa staðið um fjárlög næsta árs en 69 þingmenn öldungadeildar Bandaríkjaþings greiddu atkvæði með frumvarpinu og 28 gegn.

Áður hafði fulltrúadeild þingsins samþykkt frumvarpið og er nú reiknað með að Joe Biden Bandaríkjaforseti staðfesti lögin.

Deilur Repúblikana og Demókrata á þingi um fjármögnun alríkisstofnana hafa nokkrum sinnum leitt til lokunar alríkisstofnana á síðustu árum.

Bandaríkin Joe Biden

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.