Fótbolti

Ian Jeffs hættir með ÍBV

Hjörtur Leó Guðjónsson skrifar
Ian Jeffs er hættur þjálfun hjá ÍBV.
Ian Jeffs er hættur þjálfun hjá ÍBV. Vísir/Vilhelm

Ian Jeffs er hættur sem þjálfari hjá ÍBV. Hann var aðstoðarþjálfari karlaliðsins, ásamt því að stýra kvennaliðinu seinni part sumars eftir að Andri Ólafsson hætti með liðið.

Þetta staðfesti Jeffs í samtali við fótbolta.net þegar hann ræddi við miðilinn eftir 3-2 sigur Eyjamanna gegn Gróttu í lokaumferð Lengjudeildar karla.

Jeffs lék með ÍBV á árunum 2003 til 2007, og aftur frá 2011 til 2016. Hann var einnig aðstoðarlandsliðsþjálfari kvennalandsliðsins í stjóratíð Jóns Þórs Haukssonar.

„Ekki hugmynd, ég tilkynnti stjórn karlaliðsins að ég yrði ekki áfram í þessu hlutverki. Það er ákvörðun sem ég tók og ég stefni á að breyta aðeins til og sjá hvað gerist. Mig langar að halda áfram að þjálfa," sagði Jeffs í samtali við fótbolta.net.

„Ég er búinn að vera svolítið lengi hjá ÍBV, hef þjálfað kvenna- og karlaliðið sem og flesta flokka. Mér fannst kominn tími til að prófa eitthvað nýtt. Ef það kemur eitthvað spennandi tækifæri upp þá skoða ég það."




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.