Pútín vinnur öruggan sigur en mikið rætt um kosningasvindl

Gunnar Reynir Valþórsson skrifar 20. september 2021 06:52

Stjórnarandstæðingar saka stjórnvöld um víðtækt kosningasvindl. epa/Valeriy Melnikov

Flokkur Vladimírs Pútíns Rússlandsforseta, Sameinað Rússland, virðist öruggur með þægilega sigur í þingkosningunum sem fram fóru um helgina þar í landi.

Þó hefur dregið nokkuð úr fylgi flokksins og fjölmargir saka yfirvöld í Rússlandi um víðtækt kosningasvindl.

Þegar 64 prósent atkvæða hafa verið talin hefur Sameinað Rússland fengið um 48 prósent atkvæða en þar á eftir kemur Kommúnistaflokkur Rússlands með 21 prósent.

Pútín og félagar lýstu yfir sigri strax við lokun kjörstaða og þrátt fyrir ásakanir um kosningasvindl hefur kosningastjórn landsins þegar gefið það út að ekkert bendi til víðtæks svindls.

Ef niðurstöðurnar verða á þessa leið þegar búið er að telja upp úr öllum kössum eru úrslitin þó heldur lakari fyrir Pútín en í síðustu kosningum, þegar Sameinað Rússland náði 54 prósent atkvæða.

Þá virðast kommúnistar hafa sótt í sig veðrið en fylgi þeirra hefur aukist um 8 prósent miðað þessar tölur.

Rússland

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.