Birkir og Balot­elli á skotskónum í sigri

Heimamenn í Demirspor komust yfir með marki Mario Balotelli úr vítaspyrnu eftir rétt rúmlega hálftíma leik. Matias Vargas tvöfaldaði forystu heimamanna og þar við sat í fyrri hálfleik, staðan 2-0.

Fernando Boldrin minnkaði muninn í 2-1 áður en Birkir Bjarnason tryggði heimamönnum 3-1 sigur með marki á 66. mínútu. Samkvæmt uppstillingu Demirspor lék Birkir í holunni á bakvið Balotelli, spilaði hann allar 90 mínútur leiksins.

Var þetta fyrsti sigur Demirspor á leiktíðinni, liðið er með fimm stig að loknum fimm leikjum og situr í 15. sæti.