Enski boltinn

Átök á æfingu Newcastle og fyrirliðinn þurfti að skakka leikinn

Ingvi Þór Sæmundsson skrifar
Dwight Gayle lét aðstoðarþjálfara Newcastle United heyra það.
Dwight Gayle lét aðstoðarþjálfara Newcastle United heyra það. getty/Serena Taylor

Leikmanni og aðstoðarþjálfara Newcastle United lenti saman á æfingasvæði liðsins í vikunni. Fyrirliði liðsins þurfti að skerast í leikinn.

Newcastle hefur farið illa af stað í ensku úrvalsdeildinni og er aðeins með eitt stig í nítjánda og næstneðsta sæti. Pressan á knattspyrnustjóranum Steve Bruce er mikil en hann segist ekki hafa íhugað að stíga frá borði.

Bruce boðaði til liðsfundar á þriðjudaginn. Þar sýndi hann meðal annars hlaupatölur leikmanna sem mæltist misvel fyrir.

Ekki tók betra við á æfingu Newcastle þar sem Dwight Gayle og Greame Jones rifust heiftarlega. Á endanum þurfti Jamal Lascalles, fyrirliði Newcastle, að stíga í milli.

Gayle er ósáttur með lítinn spilatíma hjá Newcastle. Hann framlengdi nýverið samning sinn við félagið.

Jones var ráðinn aðstoðarþjálfari Newcastle um mitt síðasta tímabil og kom með ferska vinda inn í liðið. Newcastle endaði tímabilið vel og lauk keppni í 12. sæti ensku úrvalsdeildarinnar. Jones er einnig í þjálfarateymi Gareths Southgate hjá enska landsliðinu.

Newcastle tekur á móti Leeds United í fyrsta leik 5. umferðar ensku úrvalsdeildarinnar í kvöld.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.