Skýtur á ÍSÍ og segir boltann rúlla hægt Sindri Sverrisson skrifar 19. ágúst 2021 09:31 Helmingur íslenska keppendahópsins á Ólympíuleikunum í Tókýó hélt saman á fána þjóðarinnar á setningarathöfn leikanna. Getty/Clive Brunskill „Er ekki kominn tíminn á að láta verkin tala? Ég vil sjá aðgerðir svo það náist loksins að styðja og styrkja afreksíþróttafólkið okkar eins og það á skilið.“ Þetta segir Kjartan Ásmundsson, markaðs- og þróunarstjóri Íþróttabandalags Reykjavíkur, sem er orðinn langeygður eftir íslenskri afreksíþróttamiðstöð. Kjartan kallaði eftir afreksíþróttamiðstöð í aðsendri grein á Vísi. Uppskera Íslendinga á Ólympíuleikunum í Tókýó hafi verið rýr og við því þurfi að bregðast. Í nágrannalöndum Íslands eru sérstakar miðstöðvar ætlaðar fyrir fremsta íþróttafólkið þar sem það hefur til að mynda greiðan aðgang að þjálfurum og öðrum sérfræðingum, úrvalsæfingaaðstöðu og nýjustu þekkingu. Í greininni segir Kjartan að ÍBR hafi í fjórtán ár hvatt til stofnunar afreksíþróttamiðstöðvar, líkt og þekkist í Danmörku og Noregi, og í samvinnu við Íþrótta- og ólympíusamband Íslands unnið að því á sínum tíma eftir að tillaga þess efnis var samþykkt á þingi ÍSÍ fyrir áratug síðan. Í ársskýrslu ÍSÍ frá árinu 2017 segir reyndar að búið sé að stofna Afrekíþróttamiðstöð ÍSÍ og stefnt sé að því að hún „hefji störf sem fyrst“. Hún muni halda utan um mælingar og þjónustu við afreksíþróttafólk. Segir helstu sérfræðinga hafa komið að undirbúningi Kjartan bendir hins vegar á að lítið virðist enn vera að frétta af slíkri miðstöð: „Afreksíþróttamiðstöð Íslands var hugsuð sem miðlægt apparat þar sem teknar væru saman á einn stað allar mælingar og úrvinnsla í helstu þáttum íþróttalegrar afkastagetu en ekki síður að besta íþróttafólkið fái úrlausn sinna mála, bæði sálrænna og líkamlegra. Á sínum tíma komu að undirbúningi helstu sjúkraþjálfarar, sálfræðingar og næringafræðingar landsins auk lækna. Meðal annarra voru í teyminu tveir endurhæfingalæknar, en annar þeirra hefur langa reynslu frá Noregi þar sem að hann hefur unnið að samskonar málum með „Olympiatoppen”. Þá voru reiðubúnir til verka og aðstoðar Íslendingar sem vinna erlendis að málum afreksíþróttafólks. En af þessu varð ekki. Í lok árs 2015 tók ÍSÍ við boltanum sem hefur rúllað honum að margra mati heldur rólega eða allavega hefur ekki farið mjög hátt hvað nákvæmlega er að gerast í sambandi við langþráða miðstöð afreksíþrótta,“ skrifar Kjartan. Grein hans má lesa í heild sinni með því að smella hér að neðan. Aðeins Andorra með færri keppendur Ísland átti aðeins fjóra keppendur á Ólympíuleikunum í Tókýó og enginn þeirra komst áfram í gegnum undankeppni í sinni grein. Á það má benda að árangur Íslands var sá versti ef borið er saman við hinar átta þjóðirnar sem keppa á hinum evrópsku Smáþjóðaleikum. Aðeins Andorra átti færri fulltrúa, eða tvo, en önnur þeirra, Monica Doria, náði þó 11. sæti af 22 keppendum í kanósvigi. San Marínó og Liechtenstein, þar sem mun færri búa en á Íslandi, áttu fleiri keppendur en Ísland og fyrrnefnda þjóðin hlaut raunar silfur- og bronsverðlaun í skotfimi. Ábyrgðin sé í minna mæli hjá sérsamböndum og íþróttafélögum Það er því kannski ekki að undra að Kjartan kalli eftir aðgerðum: „Það er fyllsta ástæða til að lýsa yfir áhyggjum vegna þróunar afreksíþrótta síðustu árin. Sérstök afreksíþróttamiðstöð í anda þess sem gert hefur verið í Noregi og Danmörku er leið sem hefur sannað sig, en tekur tíma á þróa. Vissulega eru til fleiri en ein leið að markmiðinu, en þó er mikilvægast að mynda breiða samstöðu um málið. Með afreksíþróttamiðstöð næst ákveðin skýr miðstýring, sem leggur ábyrgðina á árangri í minna mæli á herðar aðila eins og sérsambanda og eða íþróttafélaga um leið og verkefnið er sett í eins konar brennidepil án daglegra afskipta yfirstjórnar íþróttamála.“ Ólympíuleikar 2020 í Tókýó ÍSÍ Mest lesið „Grét rosa mikið út af öllu og engu“ Sport „Hrafninn svífur yfir Vesturbænum“ Íslenski boltinn Óskar hafi sett stjórninni afarkosti Fótbolti Stuðningurinn ómetanlegur: „Farið í dýpstu leyndarmálin“ Sport Brotthvarf Óskars „eins og þruma úr heiðskíru lofti“ Fótbolti Kveðjuleikur Klopp í hættu? | „Meðvitaður um stöðuna“ Enski boltinn Aðstoðardómarinn bað Bæjara afsökunar: „Þetta er hörmung“ Fótbolti Óskar Hrafn hættur hjá Haugesund Fótbolti Uppgjörið: Ísland - Eistland 50-25 | Stigu bensínið í botn frá fyrstu mínútu Handbolti Segja vinslit hjá Tiger Woods og Rory McIlroy Golf Fleiri fréttir Ten Hag segir að eigendur United séu skynsamir og muni ekki reka hann Leverkusen býður stuðningsmönnum frítt flúr til minningar um tímabilið „Við erum helvíti seigir“ Casemiro komst ekki í Copa América-hóp Brassa Bragi Karl tryggði ÍR-ingum stig á elleftu stundu Styrmir og félagar komnir í sumarfrí Uppgjörið og viðtöl: Stjarnan - Fram 1-1 | Aftur komu Rúnarsmenn til baka Fimm marka föstudagur hjá Inter Rúnar og félagar tryggðu sér titilinn með endurkomusigri Oliver með þrennu gegn gömlu félögunum Martin og félagar skelltu í lás gegn Bæjurum Andri skoraði og er markahæstur í Danmörku Staðfestir verst geymda leyndarmál fótboltans Draumagengi Guðrúnar heldur áfram Spilar með bróður sínum og fyrir föður sinn hjá Keflavík Sóley Margrét ætlar að verja Evrópumeistaratitilinn Nýliðarnir gerðu milljónarveðmál: „Hann átti ekki að segja neinum“ Sá besti í heimi á þessu CrossFit tímabili kom til Íslands til að æfa með BKG Segja vinslit hjá Tiger Woods og Rory McIlroy Kveðjuleikur Klopp í hættu? | „Meðvitaður um stöðuna“ „Big Baby“ dæmdur í fangelsi Sextán ára stelpa skoraði í Bestu eftir stoðsendingu frá einni fimmtán ára „Hrafninn svífur yfir Vesturbænum“ Eysteinn ráðinn framkvæmdastjóri KSÍ Cole Palmer valinn bestur í apríl Dortmund fær meira fyrir að tapa en vinna úrslitaleikinn Einar Bragi skrifaði undir tveggja ára samning í Svíþjóð Óskar hafi sett stjórninni afarkosti Óskar verði sjálfur að svara fyrir ákvörðun sína Bláa flautan hjálpar bæði foreldrum og þjálfurum Sjá meira
Kjartan kallaði eftir afreksíþróttamiðstöð í aðsendri grein á Vísi. Uppskera Íslendinga á Ólympíuleikunum í Tókýó hafi verið rýr og við því þurfi að bregðast. Í nágrannalöndum Íslands eru sérstakar miðstöðvar ætlaðar fyrir fremsta íþróttafólkið þar sem það hefur til að mynda greiðan aðgang að þjálfurum og öðrum sérfræðingum, úrvalsæfingaaðstöðu og nýjustu þekkingu. Í greininni segir Kjartan að ÍBR hafi í fjórtán ár hvatt til stofnunar afreksíþróttamiðstöðvar, líkt og þekkist í Danmörku og Noregi, og í samvinnu við Íþrótta- og ólympíusamband Íslands unnið að því á sínum tíma eftir að tillaga þess efnis var samþykkt á þingi ÍSÍ fyrir áratug síðan. Í ársskýrslu ÍSÍ frá árinu 2017 segir reyndar að búið sé að stofna Afrekíþróttamiðstöð ÍSÍ og stefnt sé að því að hún „hefji störf sem fyrst“. Hún muni halda utan um mælingar og þjónustu við afreksíþróttafólk. Segir helstu sérfræðinga hafa komið að undirbúningi Kjartan bendir hins vegar á að lítið virðist enn vera að frétta af slíkri miðstöð: „Afreksíþróttamiðstöð Íslands var hugsuð sem miðlægt apparat þar sem teknar væru saman á einn stað allar mælingar og úrvinnsla í helstu þáttum íþróttalegrar afkastagetu en ekki síður að besta íþróttafólkið fái úrlausn sinna mála, bæði sálrænna og líkamlegra. Á sínum tíma komu að undirbúningi helstu sjúkraþjálfarar, sálfræðingar og næringafræðingar landsins auk lækna. Meðal annarra voru í teyminu tveir endurhæfingalæknar, en annar þeirra hefur langa reynslu frá Noregi þar sem að hann hefur unnið að samskonar málum með „Olympiatoppen”. Þá voru reiðubúnir til verka og aðstoðar Íslendingar sem vinna erlendis að málum afreksíþróttafólks. En af þessu varð ekki. Í lok árs 2015 tók ÍSÍ við boltanum sem hefur rúllað honum að margra mati heldur rólega eða allavega hefur ekki farið mjög hátt hvað nákvæmlega er að gerast í sambandi við langþráða miðstöð afreksíþrótta,“ skrifar Kjartan. Grein hans má lesa í heild sinni með því að smella hér að neðan. Aðeins Andorra með færri keppendur Ísland átti aðeins fjóra keppendur á Ólympíuleikunum í Tókýó og enginn þeirra komst áfram í gegnum undankeppni í sinni grein. Á það má benda að árangur Íslands var sá versti ef borið er saman við hinar átta þjóðirnar sem keppa á hinum evrópsku Smáþjóðaleikum. Aðeins Andorra átti færri fulltrúa, eða tvo, en önnur þeirra, Monica Doria, náði þó 11. sæti af 22 keppendum í kanósvigi. San Marínó og Liechtenstein, þar sem mun færri búa en á Íslandi, áttu fleiri keppendur en Ísland og fyrrnefnda þjóðin hlaut raunar silfur- og bronsverðlaun í skotfimi. Ábyrgðin sé í minna mæli hjá sérsamböndum og íþróttafélögum Það er því kannski ekki að undra að Kjartan kalli eftir aðgerðum: „Það er fyllsta ástæða til að lýsa yfir áhyggjum vegna þróunar afreksíþrótta síðustu árin. Sérstök afreksíþróttamiðstöð í anda þess sem gert hefur verið í Noregi og Danmörku er leið sem hefur sannað sig, en tekur tíma á þróa. Vissulega eru til fleiri en ein leið að markmiðinu, en þó er mikilvægast að mynda breiða samstöðu um málið. Með afreksíþróttamiðstöð næst ákveðin skýr miðstýring, sem leggur ábyrgðina á árangri í minna mæli á herðar aðila eins og sérsambanda og eða íþróttafélaga um leið og verkefnið er sett í eins konar brennidepil án daglegra afskipta yfirstjórnar íþróttamála.“
Ólympíuleikar 2020 í Tókýó ÍSÍ Mest lesið „Grét rosa mikið út af öllu og engu“ Sport „Hrafninn svífur yfir Vesturbænum“ Íslenski boltinn Óskar hafi sett stjórninni afarkosti Fótbolti Stuðningurinn ómetanlegur: „Farið í dýpstu leyndarmálin“ Sport Brotthvarf Óskars „eins og þruma úr heiðskíru lofti“ Fótbolti Kveðjuleikur Klopp í hættu? | „Meðvitaður um stöðuna“ Enski boltinn Aðstoðardómarinn bað Bæjara afsökunar: „Þetta er hörmung“ Fótbolti Óskar Hrafn hættur hjá Haugesund Fótbolti Uppgjörið: Ísland - Eistland 50-25 | Stigu bensínið í botn frá fyrstu mínútu Handbolti Segja vinslit hjá Tiger Woods og Rory McIlroy Golf Fleiri fréttir Ten Hag segir að eigendur United séu skynsamir og muni ekki reka hann Leverkusen býður stuðningsmönnum frítt flúr til minningar um tímabilið „Við erum helvíti seigir“ Casemiro komst ekki í Copa América-hóp Brassa Bragi Karl tryggði ÍR-ingum stig á elleftu stundu Styrmir og félagar komnir í sumarfrí Uppgjörið og viðtöl: Stjarnan - Fram 1-1 | Aftur komu Rúnarsmenn til baka Fimm marka föstudagur hjá Inter Rúnar og félagar tryggðu sér titilinn með endurkomusigri Oliver með þrennu gegn gömlu félögunum Martin og félagar skelltu í lás gegn Bæjurum Andri skoraði og er markahæstur í Danmörku Staðfestir verst geymda leyndarmál fótboltans Draumagengi Guðrúnar heldur áfram Spilar með bróður sínum og fyrir föður sinn hjá Keflavík Sóley Margrét ætlar að verja Evrópumeistaratitilinn Nýliðarnir gerðu milljónarveðmál: „Hann átti ekki að segja neinum“ Sá besti í heimi á þessu CrossFit tímabili kom til Íslands til að æfa með BKG Segja vinslit hjá Tiger Woods og Rory McIlroy Kveðjuleikur Klopp í hættu? | „Meðvitaður um stöðuna“ „Big Baby“ dæmdur í fangelsi Sextán ára stelpa skoraði í Bestu eftir stoðsendingu frá einni fimmtán ára „Hrafninn svífur yfir Vesturbænum“ Eysteinn ráðinn framkvæmdastjóri KSÍ Cole Palmer valinn bestur í apríl Dortmund fær meira fyrir að tapa en vinna úrslitaleikinn Einar Bragi skrifaði undir tveggja ára samning í Svíþjóð Óskar hafi sett stjórninni afarkosti Óskar verði sjálfur að svara fyrir ákvörðun sína Bláa flautan hjálpar bæði foreldrum og þjálfurum Sjá meira