Bíó og sjónvarp

Witcher-leikarar skelltu sér í Jökulsárlón

Samúel Karl Ólason skrifar
Það virðist fjör hjá leikurunum sem eru hér á landi.
Það virðist fjör hjá leikurunum sem eru hér á landi. Instagram

Leikararnir í Witcher: Blood Origins, sem verið er að taka upp á Suðausturlandi, skelltu sér í Jökulsárlón um helgina. Þá eru tökur fyrir Netflix-þættina sagðar eiga að færast í víkingaþorpið milli Hafnar og Víkur sem byggt var árið 2010.

Meðal leikarar sem hafa verið hér á landi eru Michelle Yeoh, Laurence O‘Fuarain og Sophie Brown.

Tökur á þáttunum hafa meðal annars farið fram á suðausturhluta landsins eins og Nauthúsagili og stendur einnig til að taka upp einhver atriði í Víkingaþorpinu sem reist var árið 2010 fyrir kvikmynd Baltasars Kormáks sem aldrei var framleidd.

Miðillinn Redainian Intelligence segir að tökurnar muni færast þangað á næstunni og birti myndir úr þorpinu sem sýna að undirbúningur fyrir tökur eigi að vera hafinn þar.

Menn, álfar og skrímsli

Fyrir þá sem ekki vita, þá gerast Witcher-bækurnar í söguheimi þar sem nokkrar víddir skullu saman. Við það strönduðu allskonar skrímsli, menn, dvergar, álfar og alls kyns verur saman í einum heimi með tilheyrandi deilum og átökum.

Witcher er nafn sérstakra stríðsmanna sem voru skapaðir til að fella ill skrímsli.

Blood Origin munu gerast um 1.200 árum fyrir sögur Sapkowski og fjalla um uppruna þessara stríðsmanna og það þegar víddirnar skullu saman.

Nokkurs konar víkingar

O‘Fuarain leikur mann sem mun vera frá Skellige-eyjum en íbúar þeirra í sögum Andrzej Sapkowski eru nokkurs konar blanda víkinga og Skota og gera má ráð fyrir að tökurnar í Víkingaþorpinu eigi að vera Skellige-þorp.

Declan De Barra, forsvarsmaður Blood Origin hefur verið duglegur við að birta myndir frá Íslandi. Nú um helgina birti hann myndir frá Jökulsárlóni og meðal annars eina þar sem hann sagði Ísland vera „klikkað“.

Hér að neðan má svo sjá fleiri færslur leikara frá Íslandi.


Tengdar fréttir

Michelle Yeoh spókar sig um á Íslandi

Tökur fyrir Netflix-þættina Witcher: Blood Origin hófust hér á landi í dag. Leikarar og aðrir sem koma að þáttunum, þar á meðal leikkonan Michelle Yeoh, hafa birt fjölda mynda frá Íslandi á samfélagmiðlum sínum.

Witcher-leikarar komnir til landsins

Tökur fyrir nýja þáttaröð í söguheimi Witcher fara fram á Íslandi um þessar mundir. Þættirnir, sem eru á vegum Netflix, kallast Witcher: Blood Origin og gerast hundruðum ára á undan bókunum eftir Andrzej Sapkowski, tölvuleikjunum og þáttunum vinsælu sem þegar hafa litið dagsins ljós.

Sagði sig frá Witcher vegna Ver­búðarinnar

Leikarinn Björn Hlynur Haraldsson sagði sig frá Netflix-þáttunum The Witcher vegna framleiðslu á nýjum íslenskum þáttum, Verbúðinni. Björn Hlynur sló í gegn í hlutverki Eist í fyrstu seríu þáttanna en til stóð að hann léti sjá sig í annarri seríunni en ekkert verður úr því.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.