Björgvin Karl Guðmundsson er kominn niður í 8.sæti eftir að hafa lent í vandræðum í sjöttu og sjöundu grein. Er Björgvin því kominn 122 stigum á eftir forystusauðnum, hinum bandaríska Justin Medeiros.
Anníe Mist Þórisdóttir er orðin efst íslensku kvennanna en hún er í 10.sæti í heildarkeppninni þegar tveimur greinum er ólokið í dag.
Katrín Tanja Davíðsdóttir er í næsta sæti á eftir Anníe og munar aðeins þremur stigum á þeim.
Þuríður Erla Helgadóttir hefur verið á uppleið í dag og er komin í 14.sæti.
Hér fyrir neðan má síðan sjá beinar útsendingar frá keppninni sem mun standa fram yfir miðnætti á íslenskum tíma.
