Sport

Svona var fyrsti dagurinn á heims­leikunum í Cross­Fit

Óskar Ófeigur Jónsson skrifar
Katrín Tanja Davíðsdóttir og Anníe Mist Þórisdóttir hafa báðar orðið heimsmeistarar í CrossFit og eru með á heimsleikunum í ár.
Katrín Tanja Davíðsdóttir og Anníe Mist Þórisdóttir hafa báðar orðið heimsmeistarar í CrossFit og eru með á heimsleikunum í ár. Instagram/@anniethorisdottir

Ísland á fjóra flotta fulltrúa í einstaklingskeppni karla og kvenna á heimsleikunum í CrossFit og fyrsti keppnisdagur af fjórum var í gær.

Vísir sýndi beint frá keppninni um heimsmeistaratitilinn í gær og nú er hægt að horfa aftur á keppnina í gær. Það er hvíldardagur í dag en keppnina heldur svo áfram á morgun.

Björgvin Karl Guðmundsson keppir í karlaflokki og í kvennaflokki keppa Katrín Tanja Davíðsdóttir, Anníe Mist Þórisdóttir og Þuríður Erla Helgadóttir.

Það er mikil spenna í báðum flokkum og það er þegar ljóst að nýr heimsmeistari verður krýndur hjá körlunum þar sem meistari síðustu fimm ára, Matt Fraser, er hættu. Björgvin Karl er einn af þeim sem ætla sér að nýta sér fjarveru hans en Björgvin Karl hefur tvisvar komist á pall á heimsleikunum.

Stig Íslendinga á fyrsta keppnisdegi á heimsleikinum 2021:

  • Björgvin Karl Guðmundsson - 4. sæti með 307 stig
  • Fyrsta grein: 6. sæti (85 stig)
  • Önnur grein: 9. sæti (76 stig)
  • Þriðja grein: 8. sæti (79 stig)
  • Fjórða grein: 12. sæti (67 stig)
  • -
  • Katrín Tanja Davíðsdóttir - 5. sæti með 283 stig
  • Fyrsta grein: 13. sæti (64 stig)
  • Önnur grein: 17. sæti (52 stig)
  • Þriðja grein: 6. sæti (85 stig)
  • Fjórða grein: 7. sæti (82 stig)
  • -
  • Anníe Mist Þórisdóttir - 12. sæti með 243 stig
  • Fyrsta grein: 18. sæti (49 stig)
  • Önnur grein: 7. sæti (82 stig)
  • Þriðja grein: 23. sæti (36 stig)
  • Fjórða grein: 9. sæti (76 stig)
  • -
  • Þuríður Erla Helgadóttir - 19. sæti með 206 stig
  • Fyrsta grein: 25. sæti (32 stig)
  • Önnur grein: 18. sæti (49 stig)
  • Þriðja grein: 14. sæti (61 stig)
  • Fjórða grein: 13. sæti (64 stig)

Björgvin Karl Guðmundsson er í toppbaráttunni í karlaflokki en hann er í 4. sæti eftir fjórar greinar en aðeins fimmtán stigum á eftir efsta manni sem er Kanadamaðurinn Brent Fikowski.

Það mun meiri spenna hjá körlunum en konunum því heimsmeistarinn Tia-Clair Toomey vann þrjár fyrstu greinarnar og er þegar kominn með yfirburðarforystu.

Katrín Tanja er í sjötta sæti eftir fyrsta daginn og Anníe Mist er tólfta. Þuríður Erla er síðan í nítjánda sæti og eru þær því allar fyrir innan niðurskurðarlínuna en aðeins tuttugu konur og tuttugu karlar fá að keppa á lokadeginum.

Hér fyrir neðan má sjá alla útsendinguna frá degi eitt á heimsleikunum í CrossFit. Það er hlé á milli greina en það er hægt að spóla yfir það.


Fyrir áhugasama þá er líka hægt að fylgjast með keppni unglinga og öldunga en það má sjá útsendingu frá keppni þeirra hér fyrir neðan. Ísland á tvo keppendur í unglingaflokki.  Rökkvi Hrafn Guðnason keppir í flokki 16 til 17 ára og Ari Tómas keppir í flokki 14 til 15 ára.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.