Ákveðinn strúktúr þarf að vera á launagreiðslum La Liga sem og þeim upphæðum sem lið eyða í leikmenn. Segja má að deildin vinni eftir svipaðri hugmyndafræði og knattspyrnusamband Evrópu, UEFA, byggði reglur sínar er varða fjárhagslega háttvísi [FFP] á.
Það er að félög verði sektuð ef þau eyði umfram því sem þau eiga að geta eytt miðað við hversu mikið kemur inn. Deila má um ágæti slíkra reglugerða en ljóst er að launakostnaður liðanna tveggja þarf að lækka til muna ætli þau sér ekki að fá himinháa sekt.
#FCB have spent most on wages of Super League clubs for last few seasons
— The Athletic UK (@TheAthleticUK) July 21, 2021
La Liga rules will now see them likely have less budget than #THFC, #Inter and others
#RMCF's to drop significantly too
@peterrutzler
Helsti munurinn á FFP og reglugerðinni á Spáni er sá að þar eru hlutirnir gerðir fyrir fram. Það er farið yfir fjárhagsstöðu hvers liðs fyrir sig og ákveðið hvað það geti eytt í leikmenn og greitt í laun fyrir hvert tímabil.
Fari liðin yfir ákveðna hámarkstölu verða þau sektuð segir í fréttaskýringu The Athletic um málið. Í stuttu máli þurfa bæði Barcelona og Real Madrid að skera allverulega niður. Það kemur því ekki á óvart að bæði lið hafi sótt leikmenn á frjálsri sölu í sumar.
Börsungar máttu eyða allt upp að 671 milljón evra á síðustu leiktíð en það stefnir í að sú tala verði aðeins 160 milljónum evra á þessari leiktíð. Það má því reikna með að félagið haldi áfram að losa leikmenn líkt og það hefur verið að gera undanfarnar vikur en það virðast nær allir leikmenn liðsins vera til sölu um þessar mundir.
Það er allir nema Lionel Messi og mögulega 3-4 leikmenn til viðbótar.
Real Madrid er í aðeins skárri málum. Á síðustu leiktíð mátti liðið eyða allt upp að 651 milljón evra en sú tala er í dag 300 milljónir evra. Takist liðinu að selja leikmenn eða losa sig við leikmenn á háum launum þá hækkar talan.
Madrid's situation not as bad as Barca's but...
— Dermot Corrigan (@dermotmcorrigan) July 14, 2021
Pandemic cost them 500m
10 players to leave this summer
Who would buy Jovic or Isco?
Varane most likely to raise money
Hope for Mbappe until end
Ancelotti can work with Bale & Hazardhttps://t.co/LXO7egtewj
Þetta þýðir að Börsungar eru að fara úr því að vera launahæsta lið í heimi í það að vera á pari við AC Milan og Tottenham Hotspur.
Það er ljóst að kórónuveiran hefur haft gríðarleg áhrif á tekjur knattspyrnuliða um alla Evrópu. Hún hefur þó hvergi haft jafn mikil áhrif og hjá spænsku risunum tveimur.